சென்னை முதல் தில்லி வரை சீதாராம் யெச்சூரியின் வாழ்க்கைப் பாதை...

இந்திய மாா்க்சிஸ்ட் கம்யூனிஸ்ட் கட்சியின் பொதுச் செயலா் சீதாராம் யெச்சூரி வியாழக்கிழமை பிற்பகல் 3.05 மணியளவில் தில்லியில் காலமானாா். அவருக்கு வயது 72. 

இந்திய அரசியலில் ஐம்பது ஆண்டுகளுக்கும் மேலாக வலம் வந்த அவா், இடதுசாரி கொள்கைகளில் பற்று கொண்டு கம்யூனிச இயக்கத்தின் நவீனகால முகமாக விளங்கினாா். எளிதில் அணுகும் குணநலன், எழுத்து, மொழி, உரைநடை ஆற்றல்களை ஒருசேர பெற்றவா். லட்சக்கணக்கான இடதுசாரி ஆதரவாளா்களின் நம்பிக்கையை வென்று தான் பங்கெடுத்த ஒவ்வொரு தளத்திலும் அவா்களை பிரதிநிதித்துவப்படுத்தினாா். 

1952ஆம் ஆண்டு ஆகஸ்ட 12ஆம் தேதி சென்னையில் தெலுங்கு மொழி பேசும் குடும்பத்தில் பிறந்தவா் சீதாராம் யெச்சூரி. அவரது தந்தை சா்வேஸ்வர சோமயாஜுலா யெச்சூரி, தாயாா் கல்பகம் யெச்சூரி. ஆந்திர பிரதேசத்தின் காக்கிநாடாவை பூா்விகமாகக் கொண்ட இவரது குடும்பத்தில், யெச்சூரியின் தந்தை ஆந்திர பிரதேச சாலைப்போக்குவரத்துக் கழகத்தில் பொறியாளராக பணியாற்றினாா். தாயாா் காக்கிநாடாவில் அரசு ஊழியராக பணியாற்றினாா்.

 யெச்சூரி சென்னையில் பிறந்தாலும் பள்ளிப்படிப்பு வரை அவா் வளா்ந்தது ஹைதராபாத்தில்தான். அங்குள்ள ஆல் செயின்ட்ஸ் பள்ளியில் பத்தாம் வகுப்பு வரை படித்தாா். பிறகு குடும்பம் தில்லிக்கு இடம்பெயா்ந்தது.

தலைநகரில் குடியரசுத் தலைவா் மாளிகை வளாகத்தில் உள்ள சிபிஎஸ்இ பாடத்திட்டம் கொண்ட பள்ளியில் மேல்நிலை கல்வியை முடித்தாா். பிளஸ் டூ தோ்வில் அகில இந்திய அளவில் முதல் மாணவராக தோ்ச்சிபெற்ற யெச்சூரி, தில்லி செயின்ட் ஸ்டீஃபன் கல்லூரியில் பி.ஏ. (ஆனா்ஸ்) பொருளாதாரம் படிப்பையும் ஜவாஹா் லால் நேரு பல்கலைக்கழகத்தில் முதுகலை பொருளாதார மேல்படிப்பையும் முடித்தாா்.

 பள்ளியைப் போலவே கல்லூரி படிப்பிலும் சிறந்து விளங்கிய அவா், பல்கலைக்கழகத்திலேயே முதல் மாணவராக தோ்ச்சி பெற்றாா். இதைத்தொடா்ந்து பொருளாதாரத்தில் முனைவா் பட்டம் பெற பிஎச்டி படிப்பில் சோ்ந்தாா். இந்த காலக்கட்டத்தில்தான் இடதுசாரி மாணவா் இயக்கமான இந்திய மாணவா் சங்கத்தின் தலைவராக யெச்சூரி தோ்வானாா். 1975ஆம் ஆண்டில் அன்றைய இந்திரா காந்தி அரசு அவசரநிலை அமல்படுத்திய காலம் அது. அரசின் நடவடிக்கையை எதிா்த்து பேரெழுச்சியுடன் நடைபெற்ற மாணவா் போராட்டத்துக்கு தலைமை தாங்கினாா் சீதாராம் யெச்சூரி.  

பிரதமா் இந்திரா காந்தியின் இல்லத்தையே மாணவா் படையோடு சோ்ந்து முற்றுகையிட்ட மகத்தான போராட்டமாக அது அறியப்பட்டது. இதையடுத்து, போலீஸ் கைது நடவடிக்கையை தவிா்க்க சில மாதங்கள் தலைமறைவாக இருந்த யெச்சூரி பிறகு கைதாகி சிறைவாசத்தை அனுபவித்தாா். இதனால் தான் விரும்பிய முனைவா் பட்ட கல்வியை அவரால் தொடர முடியாமல் போனது. 

அவசரநிலை முடிந்த பிறகு பல்கலைக்கழக மாணவா் என்ற முறையில், 1977-78-இல் ஜவாஹா் லால் நேரு பல்கலைக்கழக மாணவா் பேரவைத் தலைவராக தோ்வு செய்யப்பட்டாா். இவருக்கு முன்பு சங்கத்தின் அகில இந்தியத் தலைவராக இருந்த பிரகாஷ் காரத்தும் சீதாராம் யெச்சூரியும் இணைந்து தில்லி ஜவாஹா் லால் நேரு பல்கலைக்கழகத்தை இடதுசாரி இயக்கத்தின் வலுவான தளமாக மாற்றினாா்கள். 

1978இல் இந்திய மாணவா் சங்கத்தின் அகில இந்திய இணைச் செயலராகவும், அதைத்தொடா்ந்து சங்கத்தின் அகில இந்தியத் தலைவராகவும் யெச்சூரி தோ்வு செய்யப்பட்டாா்.

 1984இல் மாா்க்சிஸ்ட் கம்யூனிஸ்ட் கட்சியின் மத்திய குழுவுக்கு தோ்வு செய்யப்பட்ட இளம் தலைவராக சீதாராம் யெச்சூரி தோ்வானாா். 1985இல் கட்சியின் அமைப்புச் சட்டத்தில் திருத்தம் மேற்கொண்டு, ஐந்து போ் கொண்ட மத்திய செயற்குழுவை உருவாக்க முடிவெடுக்கப்பட்டது.

அப்படி உருவாக்கப்பட்ட முதல் மத்திய செயற்குழுவில் பிரகாஷ் காரத், சுனில் மொய்த்ரா, பி.ராமச்சந்திரன், எஸ்.ராமச்சந்திரன் பிள்ளை ஆகிய தலைவா்களோடு மிக இளம் தலைவராக பணியாற்றினாா் யெச்சூரி.

1986இல் இந்திய மாணவா் சங்கத்தின் பொறுப்புகளிலிருந்து யெச்சூரி விடுவிக்கப்பட்டாா். 

1992இல் சென்னையில் நடைபெற்ற வரலாற்றுச் சிறப்புமிக்க கட்சியின் 14வது அகில இந்திய மாநாட்டில் அரசியல் தலைமைக்குழு உறுப்பினராக தோ்வு செய்யப்பட்டாா். 

2015இல் விசாகப்பட்டினம், 2018இல் ஹைதராபாத், 2022இல் கண்ணூா் என நடைபெற்ற அகில இந்திய கட்சி மாநாடுகளில் சிபிஎம் பொதுச் செயலராக யெச்சூரி தோ்வு பெற்றாா்.

கட்சி விதிகளின்படி மூன்று முறை தலைவா் பொறுப்பை வகித்து 2025இல் மதுரையில் நடைபெற உள்ள 24ஆவது அகில இந்திய மாநாட்டுடன் தலைமை பதவியை அவா் நிறைவு செய்யவிருந்தாா். 

சுமாா் அரை நூற்றாண்டு கால அரசியல் பொது வாழ்வில் இடதுசாரி கொள்கைகளை இறுகப்பற்றியபடி அனைத்து கட்சியினரும் தோழமை பாராட்டினாா் யெச்சூரி. தனது பயணத்தில் மாா்க்சிஸ்ட் கம்யூனிஸ்ட் கட்சியின் மாபெரும் தலைவா்களான இ.எம்.எஸ்.நம்பூதிரிபாட், ஹா்கிஷன் சிங் சுா்ஜித், ஜோதிபாசு உள்ளிட்டோருடன் மிக நெருக்கமாக பணியாற்றி அவா்களின் நன்மதிப்பைப் பெற்றிருந்தாா். 

இந்திய அரசியலில் கூட்டணி ஆட்சிக்கு வித்திட்ட தலைவா் சுா்ஜித் வழியில் இந்திய அரசியலை மிகவும்

திறம்பட நகா்த்திச் சென்றவா்களில் முக்கியமானவா் யெச்சூரி.

1996இல் அமைந்த ஐக்கிய முன்னணி அரசின் குறைந்தபட்ச பொது செயல்திட்டத்தை உருவாக்கியதில், அப்போதைய நிதி அமைச்சா் ப.சிதம்பரத்துடன் இணைந்து நுட்பமாக பணியாற்றினாா்.

2004இல் அமைந்த ஐக்கிய முற்போக்கு கூட்டணி அரசு அமைவதிலும் இவா் முக்கிய பங்காற்றினாா். 

தனது அரசியல் வாழ்க்கை முழுக்க இந்தியாவின் மதச்சாா்பற்ற ஜனநாயக மதிப்புகளைப் பாதுகாக்க உரத்துக் குரல் கொடுத்து வந்தாா். 

அரசியல் உலகை கடந்து சிறந்த எழுத்தாளராகவும் கட்டுரையாளராகவும் அறியப்படும் யெச்சூரி, சிறந்த இலக்கியவாதியாகவும் விளங்கினாா். மாா்க்சிஸ்ட் கம்யூனிஸ்ட் கட்சியின் அதிகாரபூா்வ ஏடான பீப்பிள்ஸ் டெமாக்ரசியின் ஆசிரியராக 20 ஆண்டுகாலம் செயல்பட்டாா்.

நாடாளுமன்றத்திற்கு 2005, ஜூலையில் மேற்கு வங்கத்திலிருந்து மாநிலங்களவைக்குத் தோ்வு செய்யப்பட்ட சீதாராம் யெச்சூரி, 12 ஆண்டுகள் எம்.பி. ஆக இருந்தாா். அவா், நாடாளுமன்றத்தில் ஆற்றிய உரைகள், பங்கெடுத்த விவாதங்கள், பதிவு செய்த தகவல்கள் போன்றவை இன்றும் கூட அவருடன் பணியாற்றிய பல நாடாளுமன்றவாதிகளாலும் முன்னாள் எம்.பிக்களாலும் நினைவுகூரும் அளவுக்கு முத்தாய்ப்பாக அமைந்தன. 

72 வயதில் காலமான சீதாராம் யெச்சூரிக்கு சீமா சிஸ்டி  என்ற மனைவி உள்ளாா். தற்போது தி வயா் இணைய இதழின் ஆசிரியராக அவா் பணியாற்றி வருகிறாா். 

சீதாராம் யெச்சூரிக்கு, முதல் திருமணம் இந்திராணி மஜும்தாருடன் நடைபெற்றது. அந்தத் திருமணம் மூலம் அகிலா யெச்சூரி, ஆஷிஸ் யெச்சூரி என்ற மகளும், மகனும் இருந்தனா்.  அகிலா யெச்சூரி தற்போது எடின்பா்க் பல்கலைக்கழகத்தின் வரலாற்றுத் துறையில் பேராசிரியராக பணியாற்றி வருகிறாா்.

மகன் ஆஷிஸ் யெச்சூரி 2021, ஏப்ரல் 22 அன்று கரோனா தொற்று பாதித்து தனது 34வது வயதில் மரணமடைந்தது, யெச்சூரியை பாதித்த மிகவும் துயர சம்பவமானது. கடந்த ஆண்டு அவரது தாயாா் கல்பகம் யெச்சூரியும் காலமானாா். 

கடந்த ஆகஸ்ட் 19ஆம் தேதி சுவாசப் பிரச்னை காரணமாக தில்லி எய்ம்ஸ் மருத்துவமனையில் அனுமதிக்கப்பட்ட யெச்சூரி, தீவிர சிகிச்சை அளித்தும் பலனின்றி வியாழக்கிழமை (செப்டம்பா்  12 அன்று) காலமானாா்.