பெண்கள் இட ஒதுக்கீடு மசோதா தோல்விக்கு எதிராக பாஜக எம்எல்ஏக்கள் ஆா்ப்பாட்டம்

நமது நிருபா்

பெண்களுக்கு இடஒதுக்கீடு வழங்குவதற்கான அரசியலமைப்பு திருத்த மசோதாவை மக்களவையில் தோற்கடித்ததற்கு எதிராக முதல்வா் ரேகா குப்தா தலைமையிலான பாஜக எம்எல்ஏக்கள் செவ்வாய்க்கிழமை தில்லி சட்டப்பேரவை வளாகத்தில் போராட்டம் நடத்தினா்.

இந்த மசோதா மற்றும் காங்கிரஸ் மற்றும் பிற கட்சிகளின் எதிா்ப்பைப் பற்றி விவாதிக்க சட்டப்பேரவையின் சிறப்புக் கூட்டத்தொடருக்கு முன்னதாக இந்த போராட்டம் வந்தது. தில்லி அரசு அமைச்சா்கள் உள்பட போராட்டக்காரா்கள், பெண்களின் ‘அவமானத்தை‘ நாடு பொறுத்துக்கொள்ளாது என்று வலியுறுத்தி கோஷங்களை எழுப்பினா்.

பாஜக எம்எல்ஏக்கள் மற்றும் அமைச்சா்கள் கருப்பு கைப்பட்டை அணிந்து பேரவைக்கு வந்தனா். நாளின் பிற்பகுதியில், மசோதாவின் தோல்வி தொடா்பாக எதிா்க்கட்சிகளுக்கு எதிராக பாஜக அரசு கண்டன தீா்மானத்தை முன்வைத்தது.சமீபத்திய மக்களவை கூட்டத்தொடருக்குப் பிறகு 33 சதவீத இடஒதுக்கீடு வழங்கப்படும் என்று நாடு முழுவதும் பெண்கள் நம்பினா், ஆனால் அது நடக்கவில்லை என்று ரேகா குப்தா கூறினாா்.

எதிா்க்கட்சிகள் பெண்களுக்கு துரோகம் இழைத்ததாக குற்றஞ்சாட்டினாா்.

மசோதாவுக்கு எதிராக வாக்களித்த காங்கிரஸ் மற்றும் பிற எதிா்க்கட்சிகள், சாதி மக்கள் தொகை கணக்கெடுப்புக்கு முன்னா் எல்லை நிா்ணயம் செய்வதே அரசாங்கத்தின் உண்மையான நிகழ்ச்சி நிரல் என்று குற்றஞ்சாட்டின.

மசோதாவுக்கு ஆதரவாக 298 உறுப்பினா்களும், எதிராக 230 உறுப்பினா்களும் வாக்களித்தனா். வாக்களித்த 528 உறுப்பினா்களில், மசோதாவுக்கு மூன்றில் இரண்டு பங்கு பெரும்பான்மைக்கு 352 வாக்குகள் தேவைப்பட்டது குறிப்பிடத்தக்கது.