மகளிருக்கு மாதம் ரூ. 2,500 உதவித் தொகை வழங்குவதில் பல்வேறு நிபந்தனைகள் விதிப்பு: கேஜரிவால் குற்றச்சாட்டு

தில்லி அரசாங்கத்தின் ’தில்லி லட்சுமி யோஜனா’ வை பெற பாஜக அரசு பல நிபந்தனைகளை விதித்ததால் தில்லியின் மொத்த பெண்களில் பத்தில் ஒரு பங்கிற்கும் குறைவானவா்கள் இந்த திட்டத்திற்கு தகுதி பெறுவாா்கள் என்று ஆம் ஆத்மி கட்சியின் தேசிய ஒருங்கிணைப்பாளா் அரவிந்த் கேஜரிவால் திங்கள்கிழமை கூறினாா்.

தில்லி அரசு வெள்ளிக்கிழமை இந்த திட்டத்தை அறிமுகப்படுத்தியது, இதன் கீழ் தகுதியான பெண்கள் மாதத்திற்கு 2,500 ரூபாய் நிதி உதவி பெறுவாா்கள். நிபந்தனைகளில் ஒன்று உள்ளூா் நாடாளுமன்ற உறுப்பினா் (எம். பி.) அல்லது சட்டப்பேரவை உறுப்பினா் (எம். எல். ஏ.) ஆகியோரிடமிருந்து ஒப்புதல் கடிதம் தேவைப்படுகிறது. இந்த அறிவிப்புக்குப் பிறகு, பல பெண்கள் பின்தங்கியிருப்பாா்கள் என்று கேஜரிவால் தெரிவித்துள்ளாா்.

இது குறித்து செய்தியாளா் சந்திப்பில் அவா் மேலும் பேசியதாவது: அவா்கள் பாஜக மக்களுக்கு மட்டுமே தொகையை வழங்க விரும்புகிறாா்கள் என்பது இதிலிருந்து மிகவும் தெளிவாகிறது. அடிப்படையில், அவா்கள் இதில் அரசியல் செய்ய மட்டுமே விரும்புகிறாா்கள்.

பஞ்சாபில், நாங்கள் எந்த நிபந்தனையும் விதிக்கவில்லை, ஏனெனில் அவா்களின் மனசாட்சி தெளிவாக உள்ளது என்றாா் கேஜரிவால். இந்தக் குற்றச்சாட்டுகளுக்கு தில்லி பாஜக உடனடியாக பதிலளிக்கவில்லை. இத்திட்டத்தின் மூலம் சுமாா் 17 லட்சம் பெண்கள் பயனடைவாா்கள் .

2026-27 பட்ஜெட்டில் இத்திட்டத்திற்காக ரூ.5,110 கோடி ரூபாயை அரசு ஒதுக்கியுள்ளது. அமைச்சரவையால் அங்கீகரிக்கப்பட்ட திட்ட வழிகாட்டுதல்களின்படி, 21 முதல் 60 வயதுக்குட்பட்ட குடும்ப வருமானம் ஆண்டுக்கு ரூ.2.50 லட்சம் வரை உள்ள பெண்கள் இந்த திட்டத்திற்கு விண்ணப்பிக்க தகுதியுடையவா்கள்.