சேமிப்பும் முதலீடும்!

சேமிப்பும் முதலீடும்! - சிவகாசி மணி கண்டன்; பக். 159, ரூ.190; விகடன் பிரசுரம், சென்னை -2; ✆ 044-4263 4283. 

சேமிப்பையும், முதலீட்டையும் சரியான திட்டமிடலுடன் மேற்கொண்டால் நிம்மதியான வாழ்க்கை அமைவது நிச்சயம்.  செல்வ மகள் சேமிப்புத் திட்டம்,   தங்கத்தில் லாபகரமாக முதலீடு,  பணவீக்க விகிதத்தைத் தாண்டிய வருமானம் தரும் பங்கு முதலீடு!,  மியூச்சுவல் ஃபண்ட்  முதலீடு! , நீண்ட கால முதலீட்டுக்கு ஏற்ற பங்கு சார்ந்த ஃபண்டுகள்! உள்பட  நூலில் மொத்தம் 25 அத்தியாயங்கள் உள்ளன.  மியூச்சுவல் ஃபண்ட் குறித்தே பெருமளவு அலசி ஆராயப்படுகிறது.

முதலீட்டுத் திட்டங்களைத் தேர்வு செய்வது,  ஒருவரது இடர்பாடுக்கு (ரிஸ்க்) தகுந்த திட்டங்கள் எவை, பணவீக்க விகிதத்தைக் காட்டிலும் கூடுதல் வட்டி கிடைக்க எதில் முதலீடு செய்வது? என்பதை அலசி ஆராய்ந்துள்ளார் நூல் ஆசிரியர். ஆயுள் காப்பீடு பாலிசிகளை முதலீட்டுத் திட்டமாகக் கருதக் கூடாது என்றும் அதற்கு மாற்றாக எதில் எல்லாம் முதலீடு செய்யலாம் என்பது குறித்தும்  வழிகாட்டப்பட்டுள்ளது.

ஒட்டுமொத்தமாகப் பணத்தை வங்கியில் போட்டு வைக்கக்கூடாது  என்ற  கட்டுரை  அனைவராலும் நிச்சயமாக பாராட்டப்படும்.

முதலீட்டுத் திட்டங்களின் சாதக, பாதக அம்சங்கள், மாற்றுத் திட்டங்கள் விரிவாக கொடுக்கப்பட்டுள்ளன. இவற்றுக்கு வரி என்ன?,  சலுகை இருக்கிறதா என்பதற்கும்  விளக்கம் கிடைக்கிறது. கடைசி அத்தியாயமாக, 'முதலீட்டை சரியாகத் தேர்வு செய்யும் கலை'  இடம் பெற்றுள்ளது.  அனைத்து முதலீட்டாளர்களுக்கும் நூல் உதவிகரமாக இருக்கும்.