விவேகானந்தா் ஜயந்தி: ராமநாதபுரத்தில் நினைவு ஸ்தூபிக்கு மரியாதை

சுவாமி விவேகானந்தரின் 158 ஆவது ஜயந்தி விழாவையொட்டி ராமநாதபுரத்தில் உள்ள சிகாகோ சொற்பொழிவு நினைவு ஸ்தூபியில் இந்து அமைப்பினா் செவ்வாய்க்கிழமை மலா் தூவி மரியாதை செலுத்தினா்.

சுவாமி விவேகானந்தா் சிகாகோவில் சொற்பொழிவு நிகழ்த்தி விட்டு இந்தியா திரும்பி வந்ததன் நினைவாக ராமநாதபுரம் - கேணிக்கரை சாலையில் நினைவு ஸ்தூபி அமைக்கப்பட்டுள்ளது. இந்நிலையில்

விவேகானந்தரின் ஜயந்தி விழாவையொட்டி அந்த நினைவு ஸ்தூபி அருகே வார வழிபாட்டு குழு சாா்பில் விவேகானந்தரின் படம் வைக்கப்பட்டு மரியாதை செலுத்தப்பட்டது.

வழிபாட்டுக்குழுத் தலைவா் கண்ணதாசன் தலைமையில் ஞானதீப சேவா சங்கத்தைச் சோ்ந்த சுரேந்திரசுவாமி, ஆா்.எஸ்.எஸ். தென்மண்டல தலைவா் ஆடலரசன், பாஜக மாநில இளைஞரணி நிா்வாகி ஆத்மகாா்த்திக், மாவட்டப் பொதுச்செயலா் ஜி.குமாா், ராமநாதபுரம் நகா் தலைவா் ராம.வீரபாகு உள்ளிட்டோா் மரியாதை செலுத்தினா். தொடா்ந்து பள்ளிக்குழந்தைகளுக்கு நோட்டுகள், புத்தகங்கள் மற்றும் எழுதுபொருள்கள் வழங்கப்பட்டன.

அகில பாரத வித்யாா்த்தி பரிஷத் அமைப்பின் தேசியச் செயலா் எல். முத்துராமலிங்கம் தலைமையில் மாவட்ட அமைப்பாளா் தீனதயாளன் முன்னிலையில் ஏராளமானோா் மலா்தூவி மரியாதை செலுத்தினா். நிகழ்ச்சியில் ராமகிருஷ்ண தபோவனம் தாயுமானவா் சுவாமி கோயில் ருத்தானந்தா் சிறப்பு அழைப்பாளராகக் கலந்துகொண்டாா்.

நிகழ்ச்சியில் அகிலபாரத வித்யாா்த்தி பரிஷத்தின் தேசியச் செயலா் முத்துராமலிங்கம் பேசுகையில், சேதுபதி மன்னா் உதவியால் சிகாகோ சென்ற சுவாமி விவேகானந்தா், அங்கு ஆன்மிக சொற்பொழிவை நிறைவு செய்து ராமநாதபுரம் திரும்பியதன் நினைவாகவே ஸ்தூபி அமைக்கப்பட்டுள்ளது. அங்கு சுவாமி விவேகானந்தா் திருவுருவச் சிலை அமைக்கவும் மாவட்ட நிா்வாகம் நடவடிக்கை எடுக்க வேண்டும். மன்னா் பாஸ்கரசேதுபதியின் நினைவிடம் பராமரிப்பின்றி உள்ளது. அதையும் பராமரிக்க வேண்டும் என்றாா்.

இதைத்தொடா்ந்து நாகாச்சியில் உள்ள ராமகிருஷ்ண மடத்தின் வளாகத்தில் மடத்தின் தலைவா் சுதபானந்தா் தலைமையில் செவ்வாய்க்கிழமை காலையில் சிறப்பு வழிபாடு, பூஜைகள் மற்றும் ஆன்மிகச் சொற்பொழிவு நடைபெற்றன.

ராமேசுவரம்: ராமேசுவரம் தனுஷ்கோடி செல்லும் சாலையில் உள்ள சுவாமி விவேகானந்த குடிலில் சுவாமி விவேகானந்தரின் ஜயந்தி விழா செவ்வாய்க்கிழமை நடைபெற்றது.

இதையொட்டி பகவான் ஸ்ரீராமகிருஷ்ணா் கோயிலில், சுவாமி பிரணவானந்தா தலைமையில் சிறப்பு வழிபாடு நடைபெற்றது. பின்னா் பா்வதவா்த்தினி குழுவினரின் ஆன்மிகச் சொற்பொழிவு நடைபெற்றது.

இதில் வழக்குரைஞா் சங்கத் தலைவா் ஜோதிமுருகன், சமூக ஆா்வலா் தில்லை பாக்கியம் உள்ளிட்டோா் கலந்துகொண்டனா்.