ஸ்ரீரங்கம் அரங்கநாத சுவாமி கோயிலில் நடைபெறும் வைகுந்த ஏகாதசி பெருவிழாவின் பகல் பத்து 6 ஆம் திருநாளான ஞாயிற்றுக்கிழமை ஸ்ரீநம்பெருமாள் பாண்டியன் கொண்டையில் எழுந்தருளி பக்தா்களுக்குச் சேவை சாதித்தாா்.
பகல்பத்து விழாவில் நம்பெருமாள் ஒவ்வொரு நாளும் பல்வேறு அலங்காரங்களில் எழுந்தருளி பக்தா்களுக்குச் சேவை சாதிப்பாா்.
பகல் பத்து 6 ஆம் நாளான ஞாயிற்றுக்கிழமை காலை 6.30-க்கு மூலஸ்தானத்திலிருந்து நம்பெருமாள் பாண்டியன் கொண்டை, ரத்தி அபயஹஸ்தம், ரத்தினகிளி, மார்பில் லட்சுமி பதக்கம், புஜகீர்த்தி முத்துச்சரம் , பவள மாலை , காசு மாலை உள்ளிட்ட திரு ஆபரணங்களுடன் புறப்பட்டு 7 மணிக்கு பகல் பத்து மண்டபமான அா்ச்சுன மண்டபத்தில் எழுந்தருளி பக்தா்களுக்குச் சேவை சாதித்தாா்.
தொடா்ந்து காலை 8 மணி முதல் பக்தா்கள் தரிசனத்துக்கு அனுமதிக்கப்படு ஏராளமான பக்தா்கள் வரிசையில் நின்று தரிசித்து வருகின்றனர்.
இரவு 8 மணிக்கு மேல் பக்தா்களுக்கு அனுமதியில்லை. பக்தா்கள் முகக் கவசம் அணிந்து, சமூக இடைவெளியுடன் நம்பெருமாளை தரிசனம் செய்து வருகின்றனர்.
பிறகு இரவு 9 மணிக்கு அா்ச்சுன மண்டபத்தில் இருந்து புறப்பட்டு இரவு 10 மணிக்கு கருவறை சென்றடைகிறார் நம்பெருமாள்.