திருவண்ணாமலையில் இன்று கிரிவலம் வர உகந்த நேரம்

ஆனி மாத பௌர்ணமியையொட்டி, திருவண்ணாமலையில் புதன்கிழமை கிரிவலம் வர உகந்த நேரம் எது என்பதை ஸ்ரீஅருணாசலேஸ்வரர் கோயில் நிர்வாகம் அறிவித்துள்ளது. 
பௌர்ணமி நாள்களில் திருவண்ணாமலையில் உள்ள 14 கி.மீ. தொலைவிலான கிரிவலப் பாதையை வலம் வந்து ஸ்ரீஅருணாசலேஸ்வரர், ஸ்ரீஉண்ணாமுலையம்மனை தரிசித்தால் நினைத்தது நடக்கும் என்பது பக்தர்களின் நம்பிக்கை.
எனவே, ஒவ்வொரு மாத பௌர்ணமியன்றும் திருவண்ணாமலையில் பல லட்சம் பக்தர்கள் கிரிவலம் வந்து, செல்கின்றனர்.
இந்த நிலையில், ஆனி மாத பௌர்ணமி புதன்கிழமை (ஜூன் 27) காலை 9.24 மணிக்குத் தொடங்கி, வியாழக்கிழமை (ஜூன் 28) காலை 11.02 மணிக்கு முடிவடைகிறது. 
எனவே, திருவண்ணாமலையில் பக்தர்கள் இந்த நேரத்தில் கிரிவலம் வரலாம் என்று ஸ்ரீஅருணாசலேஸ்வரர் கோயில் நிர்வாகம் அறிவித்துள்ளது.