குமரகோட்டம் முருகன் கோயில் உண்டியல் வசூல் ரூ.15.29 லட்சம்

குமரகோட்டம் முருகன் கோயில் உண்டியல் காணிக்கை ரூ.15.29 லட்சம் வசூலானது.
காஞ்சிபுரத்தில் கந்தபுராணம் அரங்கேற்றப்பட்ட பிரசித்தி பெற்ற கோயிலாக குமரகோட்டம் முருகன் கோயில் விளங்கி வருகிறது. இங்கு வைகாசி பிரம்மோற்சவத்தைத் தவிர செவ்வாய், வெள்ளி, பரணி, கார்த்திகை, பூசம், சஷ்டி ஆகிய நாள்களில் இக்கோயிலில் சுப்பிரமணியருக்கு சிறப்பு வழிபாடு நடத்தப்பட்டு வருகிறது. நாள்தோறும் பல்வேறு பகுதிகளில் இருந்து இக்கோயிலுக்கு திரளான பக்தர்கள் வந்து செல்கின்றனர். அவ்வாறு வரும் பக்தர்கள் இக்கோயில் உண்டியலில் காணிக்கைகளை செலுத்தி வருகின்றனர். உண்டியலில் செலுத்தப்படும் காணிக்கை 3 மாதங்களுக்கு ஒருமுறை எண்ணப்பட்டு வருகிறது. அதன்படி, கடந்த மே மாதம் 12-ஆம் தேதி எண்ணப்பட்டது. இதையடுத்து, புதன்கிழமைன்று காஞ்சிபுரம் இந்து சமய அறநிலையத் துறை உதவி ஆணையர் (வேலூர்) விஜயா, செயல் அலுவலர் ந.தியாகராஜன், ஆய்வர் அலமேலு ஆகியோர் முன்னிலையில் உண்டியல் திறக்கப்பட்டது.
இதில், 70 கிராம் தங்கம், 577 கிராம் வெள்ளியுடன், 12 லட்சத்து 29 ஆயிரத்து 370 ரூபாய் வசூலானது என அறநிலையத் துறை அதிகாரிகள் தெரிவித்தனர்.