ஐபிஎல் புள்ளிகள் பட்டியல்: முத்திரை பதித்த முரளி விஜய்! தொடர் தோல்வியில் தோனி அணி!

ஐபிஎல் கிரிக்கெட் போட்டியின் 28-ஆவது லீக் ஆட்டத்தில் 23 ரன்கள் வித்தியாசத்தில் குஜராத் லயன்ஸை தோற்கடித்தது கிங்ஸ் லெவன் பஞ்சாப். அந்த அணியின் அக்ஷர் படேல் ஹாட்ரிக் உள்பட 4 விக்கெட்டுகளை வீழ்த்தி அசத்தினார்.

புதிய கேப்டனான முரளி விஜய் தலைமையில் களமிறங்கிய முதல் ஆட்டத்திலேயே வெற்றி கண்டுள்ள பஞ்சாப், தொடர் தோல்வியிலிருந்து மீண்டுள்ளது. முன்னதாக தொடர்ச்சியாக 3 ஆட்டங்களில் தோற்றிருந்தது. இதுவரை 7 ஆட்டங்களில் விளையாடியுள்ள பஞ்சாப், 2-ஆவது வெற்றியைப் பெற்றுள்ளது. பஞ்சாப் தரப்பில் அக்ஷர் படேல் 4 ஓவர்களில் 21 ரன்களை மட்டுமே கொடுத்து ஹாட்ரிக் உள்பட 4 விக்கெட்டுகளை சாய்த்ததோடு, ஆட்டநாயகன் விருதையும் தட்டிச் சென்றார்.

இந்த வெற்றியினால் பஞ்சாப் அணிக்குப் புள்ளிகள் பட்டியல் எந்தவொரு மாற்றமும் ஏற்படவில்லை. தொடர்ந்து கடைசி இடத்தில் நீடிக்கிறது. அதேபோல தோல்வியினால் குஜராத் அணிக்கும் பாதிப்பு ஏற்படவில்லை. தொடர்ந்து முதல் இடத்தில் நீடிக்கிறது.

தோனி அணிக்கு மீண்டும் தோல்வி!

ஐபிஎல் கிரிக்கெட் போட்டியின் 29-ஆவது லீக் ஆட்டத்தில் 8 விக்கெட் வித்தியாசத்தில் ரைஸிங் புணே சூப்பர்ஜயன்ட்ஸ் அணியைத் தோற்கடித்தது மும்பை இண்டியன்ஸ்.

அதன் கேப்டன் ரோஹித் சர்மா 60 பந்துகளில் 3 சிக்ஸர், 8 பவுண்டரிகளுடன் ஆட்டமிழக்காமல் 85 ரன்கள் குவித்தார்.

5-ஆவது வெற்றியைப் பெற்றுள்ள மும்பை அணி, 10 புள்ளிகளுடன் புள்ளிகள் பட்டியலில் 2-ஆவது இடத்துக்கு முன்னேறியுள்ளது. புணே அணி, 4 புள்ளிகளுடன் 6-வது இடத்தில் உள்ளது.

புள்ளிகள் பட்டியல்