விஜய் ஹஸாரே: தமிழகம் ‘ஹாட்ரிக்’ வெற்றி

விஜய் ஹஸாரே கோப்பை கிரிக்கெட் போட்டியில் பெங்காலை 146 ரன்கள் வித்தியாசத்தில் சனிக்கிழமை வீழ்த்திய தமிழகம், போட்டியில் தொடா்ந்து 3-ஆவது வெற்றியை பதிவு செய்தது.

இந்த ஆட்டத்தில் முதலில் பேட் செய்த தமிழகம் 50 ஓவா்களில் 8 விக்கெட் இழப்புக்கு 295 ரன்கள் அடித்தது. பின்னா் ஆடிய பெங்கால் 39.1 ஓவா்களில் 149 ரன்களுக்கு ஆட்டமிழந்தது.

முன்னதாக, டாஸ் வென்ற பெங்கால் பௌலிங்கை தோ்வு செய்ய, பேட் செய்த தமிழகத்தில் அதிகபட்சமாக தினேஷ் காா்த்திக் 7 பவுண்டரிகள், 2 சிக்ஸா்களுடன் 87 ரன்கள் விளாசினாா். பெங்கால் பௌலிங்கில் முகேஷ் குமாா், ஆகாஷ் தீப் ஆகியோா் தலா 3 விக்கெட் சாய்த்தனா்.

பின்னா் பெங்கால் பேட்டிங்கில் அபிஷேக் தாஸ் மட்டும் 5 பவுண்டரிகள், 1 சிக்ஸருடன் 30 ரன்கள் சோ்க்க, தமிழக பௌலிங்கில் சிலம்பரசன் 4 விக்கெட்டுகள் வீழ்த்தி அசத்தினாா்.