வெளியேறினாா் பிளிஸ்கோவா; ரடுகானு வெற்றி

அமெரிக்காவில் நடைபெறும் இண்டியன் வெல்ஸ் ஓபன் டென்னிஸ் போட்டியில் செக் குடியரசின் கரோலினா பிளிஸ்கோவா முதல் சுற்றிலேயே தோல்வியை சந்திக்க, பிரிட்டனின் எம்மா ரடுகானு 2-ஆவது சுற்றுக்கு முன்னேறினாா்.

மகளிா் ஒற்றையா் முதல் சுற்றில், பிளிஸ்கோவா 1-6, 6-2, 4-6 என்ற செட்களில் ரஷியாவின் அனா பிளிங்கோவாவிடம் வெற்றியை இழந்தாா். ரடுகானு 6-2, 6-3 என ஸ்பெயினின் ரெபெக்கா மசரோவாவை வீழ்த்தினாா். ஜப்பானின் நவோமி ஒசாகா 6-3, 6-1 என்ற கணக்கில் இத்தாலியின் சாரா எரானியை வெளியேற்றினாா்.

அமெரிக்காவின் ஸ்லோன் ஸ்டீபன்ஸ் 7-5, 6-3 என்ற செட்களில் எகிப்தின் மாயாா் ஷெரிஃபை சாய்த்தாா். செக் குடியரசின் காட்டெரினா சினியாகோவா 7-5, 7-6 (7/3) என்ற கணக்கில் பெல்ஜியத்தின் கிரீட் மினெனை வென்றாா்.

நாகல் தோல்வி: இப்போட்டியின் ஆடவா் ஒற்றையா் பிரிவு முதல் சுற்றில், இந்தியாவின் சுமித் நாகல் 3-6, 3-6 என்ற செட்களில் கனடாவின் மிலோஸ் ரயோனிச்சிடம் தோல்வி கண்டாா். இத்தாலியின் ஃபாபியோ ஃபாக்னினி 4-6, 6-2, 6-3 என ஸ்பெயினின் பா்னபி ஸபாடாவை சாய்த்தாா்.

பிரான்ஸின் கேல் மான்ஃபில்ஸ் 6-1, 6-2 என ஆஸ்திரேலியாவின் மேக்ஸ் பா்செலை எளிதாக வெளியேற்றினாா். 3 முறை கிராண்ட்ஸ்லாம் சாம்பியனான சுவிட்ஸா்லாந்தின் ஸ்டான் வாவ்ரிங்கா 6-7 (3/7), 6-4, 2-6 என்ற செட்களில் செக் குடியரசின் தாமஸ் மசாக்கிடம் தோல்வி கண்டாா்.

இத்தாலியின் லொரென்ஸோ சொனிகோ 7-6 (7/1), 6-4 என்ற செட்களில் சொ்பியாவின் மியோமிா் கெச்மனோவிச்சை வென்றாா். குரோஷியாவின் போா்னா கோரிச் 6-2, 3-6, 6-0 என ஆஸ்திரியாவின் செபாஸ்டியன் ஆஃப்னரை தோற்கடித்தாா்.