ஆசிய பாரா விளையாட்டுகள்: இந்திய போட்டியாளா்களுக்கு ஐஓஏ தலைவா் பி.டி. உஷா பாராட்டு!

ஆசிய பாரா விளையாட்டுப் போட்டிகளில் இதுவரை இல்லாத வகையில் பதக்கங்கள் குவித்த இந்திய வீரா், வீராங்கனைகளுக்கு, இந்திய ஒலிம்பிக் சங்க (ஐஓஏ) தலைவா் பி.டி. உஷா பாராட்டு தெரிவித்தாா்.

ஜப்பானில் நடைபெற்ற 5-ஆவது ஆசிய பாரா விளையாட்டுகள், கடந்த சனிக்கிழமை நிறைவடைந்தன. இந்தியா தனது புதிய உச்சமாக, 30 தங்கம், 35 வெள்ளி, 49 வெண்கலம் என, 114 பதக்கங்களுடன் 4-ஆம் இடம் பிடித்தது. சீனா (435- 207/117/111), ஜப்பான் (186- 64/60/62), உஸ்பெகிஸ்தான் (145- 45/49/51) முறையே முதல் 3 இடங்களைப் பெற்றன.

இந்நிலையில், இந்திய பாரா வீரா், வீராங்கனைகளுக்கு பாராட்டு தெரிவித்து பி.டி. உஷா சமூக வலைதளத்தில் வெளியிட்ட வாழ்த்துப் பதிவில், ‘ஆசிய பாரா விளையாட்டுகளில் நமது பாரா போட்டியாளா்கள் மன உறுதியையும், அருமையான திறமையையும் வெளிப்படுத்தினா். நீங்கள் வென்ற ஒவ்வொரு பதக்கமும் உங்களின் மன உறுதி மற்றும் கடுமையான உழைப்பிற்கான பலனாகும்.

நீங்கள் தேசத்தை பெருமையடையச் செய்ததுடன், நாட்டிலுள்ள பலரும் தடைகளைக் கடந்து தங்கள் கனவை அடைவதற்கு முன்னுதாரணம் ஆகியிருக்கிறீா்கள். அனைவருக்கும் வாழ்த்துகள்’ என்று கூறியுள்ளாா். இந்த ஆசிய பாரா விளையாட்டுகளில், இந்தியாவிலிருந்து 168 போட்டியாளா்கள் பங்கேற்றது குறிப்பிடத்தக்கது.

இந்தியாவின் பதக்க விவரம்:

விளையாட்டு தங்கம் வெள்ளி வெண்கலம் மொத்தம்

தடகளம் 22 19 24 65

பாட்மின்டன் 3 5 8 16

நீச்சல் 0 3 8 11

டேபிள் டென்னிஸ் 0 0 7 7

வில்வித்தை 3 3 0 6

துப்பாக்கி சுடுதல் 2 2 1 5

ஜூடோ 0 1 1 2

பவா்லிஃப்டிங் 0 2 0 2