ஆப்கானிஸ்தானை எளிதாக வென்ற வங்கதேச அணி: ஹைலைட்ஸ் விடியோ

ஆப்கானிஸ்தானுக்கு எதிரான உலகக் கோப்பை ஆட்டத்தில் 62 ரன்கள் வித்தியாசத்தில் அபார வெற்றி பெற்றது வங்கதேசம்.

அரையிறுதி வாய்ப்பை பெறும் முனைப்பில் உள்ள வங்கதேச அணியும், ஒரு வெற்றி கூட பெறாத ஆப்கன் அணியும், செளதாம்ப்டனில் திங்கள்கிழமை நடைபெற்ற ஆட்டத்தில் மோதின. முதலில் ஆடிய வங்கதேசம் 262/7 ரன்களை குவித்தது. பின்னர் ஆடி ஆப்கானிஸ்தான் 200 ரன்களுக்கு ஆல் அவுட்டானது.

பேட்டிங்கிலும் 51 ரன்களை விளாசிய ஷகிப் அல் ஹசன், அபாரமாக பந்துவீசி 5-29 விக்கெட்டுகளை வீழ்த்தினார். ஒருநாள் உலகக் கோப்பை ஆட்டத்தில் 5 விக்கெட் வீழ்த்தியும், 50 ரன்கள் விளாசிய சாதனையை யுவராஜ் சிங் செய்திருந்தார். தற்போது வங்கதேச ஆல்ரவுண்டர் ஷகிப் அல் ஹசனும் அச்சாதனையை சமன் செய்துள்ளார். இந்த வெற்றியின் மூலம் 7 புள்ளிகளுடன் 5-ஆவது இடத்துக்கு முன்னேறியது வங்கதேசம். அரையிறுதிக்கு தகுதி பெறும் வாய்ப்பையும் தக்க வைத்துள்ளது.