செய்தி மடல்
இ-பேப்பர்
சவாலான டெஸ்ட் தொடரில் விளையாட உள்ளோம்: வங்கதேச கேப்டன்
இந்தியாவுக்கு எதிரான டெஸ்ட் தொடர் மிகுந்த சவாலானதாக இருக்கப் போவதாக வங்கதேச அணியின் கேப்டன் நஜ்முல் ஹொசைன் ஷாண்டோ தெரிவித்துள்ளார்.
படம் | ஐசிசி
இந்தியாவுக்கு எதிரான டெஸ்ட் தொடர் மிகுந்த சவாலானதாக இருக்கப் போவதாக வங்கதேச அணியின் கேப்டன் நஜ்முல் ஹொசைன் ஷாண்டோ தெரிவித்துள்ளார்.
பாகிஸ்தானுக்கு எதிரான 2 போட்டிகள் கொண்ட டெஸ்ட் தொடரில் சிறப்பாக செயல்பட்டு வரலாற்று சிறப்புமிக்க வெற்றியைப் பதிவு செய்த வங்கதேசம், இந்தியாவுக்கு எதிரான டெஸ்ட் தொடருக்கான சவாலை சந்திக்கத் தயாராகிறது.
இந்தியா மற்றும் வங்கதேச அணிகளுக்கு இடையிலான டெஸ்ட் தொடர் செப்டம்பர் 19 ஆம் தேதி சென்னை சேப்பாக்கத்தில் தொடங்குகிறது. இந்திய அணி ஏற்கனவே சேப்பாக்கம் மைதானத்தில் பயிற்சியை தொடங்கிவிட்ட நிலையில், வங்கதேச அணி இன்று (செப்டம்பர் 15) பிற்பகல் சென்னை வந்தடைந்தது.
சென்னைக்கு வந்தடையும் முன்பாக டாக்கா விமான நிலையத்தில் பத்திரிகையாளர்களுக்கு பேட்டியளித்த வங்கதேச கேப்டன் நஜ்முல் ஹொசைன் ஷாண்டோ, இந்தியாவுக்கு எதிரான டெஸ்ட் தொடர் மிகுந்த சவாலானதாக இருக்கப் போவதாக தெரிவித்துள்ளார்.
பத்திரிகையாளர்கள் சந்திப்பில் அவர் பேசியதாவது: இந்தியாவுக்கு எதிரான டெஸ்ட் தொடர் கண்டிப்பாக எங்களுக்கு மிகுந்த சவாலானதாக இருக்கப் போகிறது. பாகிஸ்தானுக்கு எதிரான டெஸ்ட் தொடரில் சிறப்பாக செயல்பட்டு வெற்றி பெற்றது எங்களது நம்பிக்கையை அதிகரித்துள்ளது. ஒவ்வொரு தொடரும் எங்களுக்கான வாய்ப்பாகும். இந்தியாவுக்கு எதிரான இரண்டு டெஸ்ட் போட்டிகளிலும் வெற்றி பெறும் நோக்கில் விளையாடுவோம். எங்களது வேலையை சரியாக செய்தால் நல்ல முடிவுகள் கிடைக்கும் என்றார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.