சன்ரைசர்ஸ் ஹைதராபாதுக்கு எதிராக கொல்கத்தா பந்துவீச்சு! முதல் வெற்றி யாருக்கு?

ஐபிஎல் தொடரில் சன்ரைசர்ஸ் ஹைதராபாதுக்கு எதிரான போட்டியில் டாஸ் வென்ற கொல்கத்தா நைட் ரைடர்ஸ் பந்துவீச்சைத் தேர்வு செய்துள்ளது.

ஐபிஎல் தொடரில் கொல்கத்தாவின் ஈடன் கார்டன்ஸ் திடலில் நடைபெறும் இன்றையப் போட்டியில் கொல்கத்தா நைட் ரைடர்ஸ் மற்றும் சன்ரைசர்ஸ் ஹைதராபாத் அணிகள் விளையாடுகின்றன.

இந்தப் போட்டியில் டாஸ் வென்ற கொல்கத்தா நைட் ரைடர்ஸ் அணியின் கேப்டன் அஜிங்க்யா ரஹானே பந்துவீச்சைத் தேர்வு செய்துள்ளார். இதனையடுத்து, சன்ரைசர்ஸ் ஹைதராபாத் முதலில் பேட் செய்கிறது.

கொல்கத்தா நைட் ரைடர்ஸின் பிளேயிங் லெவனில் மாற்றம் செய்யவில்லை. சன்ரைசர்ஸ் ஹைதராபாத் அணியின் பிளேயிங் லெவனில் ஷிவாங் குமார் சேர்க்கப்பட்டுள்ளார்.

நடப்பு ஐபிஎல் தொடரில் தங்களது முதல் போட்டியில் இரண்டு அணிகளும் தோல்வியை சந்தித்துள்ளன. இதனால், இன்றையப் போட்டியில் வெற்றி பெற்று வெற்றிக் கணக்கைத் தொடங்கப் போவது யார் என்ற எதிர்பார்ப்பு ரசிகர்கள் மத்தியில் எழுந்துள்ளது.