உலகக் கோப்பை: சவுதி அரேபியாவுக்கு எதிராக ரஷியா அடித்த 5 கோல்களின் விடியோ!

ரஷிய அணி 5-0 என்ற கோல் கணக்கில் சவுதி அரேபியாவை வீழ்த்தி அபார வெற்றி...

Updated On :30 ஜனவரி 2024, 3:56 pm

பகிர்:

4 ஆண்டுகளுக்கு ஒருமுறை உலகக் கோப்பை கால்பந்து போட்டிகள் பிஃபா சர்வதேசக் கால்பந்து கூட்டமைப்பால் நடத்தப்படுகிறது. 2018-ம் ஆண்டு உலகக் கோப்பை போட்டி ரஷியாவில் ஜூன் 14 முதல் தொடங்கியுள்ளன. மொத்தம் 11 நகரங்களில் 12 மைதானங்களில் நடைபெறும் 64 ஆட்டங்களில் 32 நாடுகளின் அணிகள் கலந்து கொள்கின்றன. நேற்று நடைபெற்ற முதல் ஆட்டத்தில் ரஷியாவும் சவுதி அரேபியாவும் மோதின.

உலகக் கோப்பை கால்பந்து போட்டியின் தொடக்க ஆட்டத்தில் ரஷிய அணி 5-0 என்ற கோல் கணக்கில் சவுதி அரேபியாவை வீழ்த்தி அபார வெற்றி பெற்றது. ரஷியாவுக்காக யுரி கஸ்னிகி, டெனிஸ் செரிஷேவ் (2), அர்டெம் டையுபா, கோலோவின் ஆகியோர் கோலடித்தனர்.