ஐபிஎல் வரலாற்றில் அதிவேகமான பந்தை வீசியவர் என்கிற பெருமையை தில்லி அணி வீரர் அன்ரிச் நோர்கியோ பெற்றுள்ளார்.
துபையில் புதன்கிழமை நடைபெற்ற ஆட்டத்தில் டாஸ் வென்று முதலில் பேட் செய்த தில்லி 20 ஓவர்களில் 7 விக்கெட் இழப்புக்கு 161 ரன்கள் எடுத்தது. அடுத்து ஆடிய ராஜஸ்தான் 20 ஓவர்களில் 8 விக்கெட் இழப்புக்கு 148 ரன்களே எடுத்து வீழ்ந்தது.
ராஜஸ்தான் அணி பேட்டிங் செய்தபோது 3-வது ஓவரை நோர்கியோ வீசினார். அது அவருடைய முதலாவது ஓவர். 5-வது பந்தை மணிக்கு 156.2 கி.மீ. வேகத்தில் வீசினார். இதன்மூலம் ஐபிஎல் வரலாற்றில் அதிவேகமான பந்தை வீசியவர் என்கிற பெருமையை அவர் பெற்றார். தென் ஆப்பிரிக்காவைச் சேர்ந்த நோர்கியோ, சக நாட்டவரான டேல் ஸ்டெயினின் சாதனையை வீழ்த்தியுள்ளார். ஸ்டெயின், 2012-ல் மணிக்கு 154.4 கி.மீ. வேகத்தில் வீசியதே சாதனையாக இருந்தது.
ஐபிஎல் போட்டியில் அதிவேகப் பந்துவீச்சு
156.2 - நோர்கியோ, 2020
155.2 - நோர்கியோ, 2020
154.7 - நோர்கியோ, 2020
154.4 - ஸ்டெய்ன், 2012
154.2 - ரபாடா, 2019
154.2 - நோர்கியோ, 2020
(மூவருமே தென் ஆப்பிரிக்கப் பந்துவீச்சாளர்கள்)
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.