ஆர்சிபியை வீழ்த்த கடின உழைப்பு தேவை: டேனியல் வெட்டோரி

ராயல் சேலஞ்சர்ஸ் பெங்களூருவை வீழ்த்த கடினமாக உழைக்க வேண்டுமென சன் ரைசர்ஸ் ஹைதராபாத் அணியின் தலைமைப் பயிற்சியாளர் டேனியல் வெட்டோரி தெரிவித்துள்ளார்.

நடப்பு ஐபிஎல் தொடரில் ராயல் சேலஞ்சர்ஸ் பெங்களூரு இதுவரை 6 போட்டிகளில் விளையாடி ஒரு வெற்றியை மட்டுமே பெற்றுள்ளது. புள்ளிப் பட்டியலிலும் கடைசி இடத்தில் உள்ளது.

இந்த நிலையில், ராயல் சேலஞ்சர்ஸ் பெங்களூருவை வீழ்த்த கடினமாக உழைக்க வேண்டுமென சன் ரைசர்ஸ் ஹைதராபாத் அணியின் தலைமைப் பயிற்சியாளர் டேனியல் வெட்டோரி தெரிவித்துள்ளார்.

இது தொடர்பாக அவர் பேசியதாவது: ராயல் சேலஞ்சர்ஸ் பெங்களூரு அணியின் திறமையை எந்த ஒரு அணியும் குறைத்து மதிப்பிடுவதாக நான் நினைக்கவில்லை. அவர்கள் மிகச் சிறந்த அணி. அவர்களை வீழ்த்த வேண்டுமென்றால், நமது கடின உழைப்பைக் கொடுக்க வேண்டியிருக்கும். ஒவ்வொரு ஐபிஎல் போட்டியும் கடினமானது. அதிலும் குறிப்பாக சொந்த மண்ணில் நடைபெறாத போட்டிகள் மிகவும் கடினமானதாக இருக்கும் என்றார்.

ஐபிஎல் தொடரில் நாளை (ஏப்ரல் 15) பெங்களூருவில் நடைபெறும் போட்டியில் ராயல் சேலஞ்சர்ஸ் பெங்களூரு மற்றும் சன் ரைசர்ஸ் ஹைதராபாத் அணிகள் மோதவுள்ளது குறிப்பிடத்தக்கது.