தோனியை முந்திய ஷ்ரேயாஸ் ஐயர்! ஐபிஎல்லில் தொடர் வெற்றிகள்!

சென்னை முன்னாள் கேப்டன் தோனியை முந்தி பஞ்சாப் கேப்டன் ஷ்ரேயாஸ் ஐயர் புதிய சாதனையைப் படைத்துள்ளார்.

18-வது ஐபிஎல் தொடரின் 13-வது போட்டியில் பஞ்சாப் - லக்னௌ அணிகள் மோதின. இந்தப் போட்டியில் 8 விக்கெட் வித்தியாசத்தில் பஞ்சாப் அணி வெற்றிபெற்றது. அதிரடியாக விளையாடிய பஞ்சாப் அணியில் பிரப்சிம்ரன் சிங் 69 ரன்களும், ஷ்ரேயாஸ் ஐயர் 52* ரன்களும் விளாசினர். 2 போட்டிகளிலும் வெற்றிபெற்ற பஞ்சாப் அணி 4 புள்ளிகளுடன் 2-வது இடத்தில் இருக்கிறது.

இந்தப் போட்டியில் வெற்றி பெற்றதன் மூலம் பஞ்சாப் கேப்டன் புதிய சாதனை ஒன்றை படைத்துள்ளார். அந்த வகையில், ஐபிஎல் தொடர்ச்சியாக அதிக வெற்றிகளைப் பெற்ற கேப்டன்கள் பட்டியலில் சென்னை சூப்பர் கிங்ஸ் முன்னாள் கேப்டன் தோனியைப் பின்னுக்குத் தள்ளி பஞ்சாப் கேப்டன் ஷ்ரேயாஸ் 2-வது இடம்பிடித்துள்ளார்.

கடந்தாண்டில் கொல்கத்தா அணிக்காக விளையாடிய ஷ்ரேயாஸ் ஐயர் தொடர்ச்சியாக இறுதிப் போட்டியுடன் சேர்த்து 6 போட்டிகளில் வெற்றி பெற்றிருந்தார். இந்தத் தொடரில் பஞ்சாப் அணிக்காக 2 போட்டிகளில் வெற்றிபெற்றுள்ளார்.

இதையும் படிக்க: எதிரணி வீரரிடம் கையெழுத்து கொண்டாட்டம்: லக்னௌ வீரருக்கு 25% அபராதம்!

தொடர்ச்சியாக அதிக வெற்றிகளைப் பெற்ற கேப்டன்கள்

• 10 -கௌதம் கம்பீர் (கொல்கத்தா) - 2014-2015

• 8 - ஷேன் வார்னே (ராஜஸ்தான்) - 2008

• 8 - ஷ்ரேயாஸ் ஐயர் (கொல்கத்தா, பஞ்சாப்) - 2024-25

• 7 - எம்.எஸ்.தோனி (சென்னை) - 2013

• 6 - கௌதம் கம்பீர் (கொல்கத்தா) - 2012

• 6 - எம்.எஸ்.தோனி (சென்னை) - 2014

• 6 - கேன் வில்லியம்சன் (ஹைதராபாத்) - 2018

• 6 - எம்.எஸ்.தோனி (சென்னை) - 2019

• 6 - ஃபாப் டூபிளெசிஸ் (பெங்களூரு) - 2024

இதையும் படிக்க: மிட்செல் ஹே அதிரடி 99*: ஒருநாள் தொடரை வென்றது நியூசிலாந்து!