டோக்கியோ ஒலிம்பிக்ஸ்: மல்யுத்தத்தில் இந்தியாவின் சோனம் மாலிக் தோல்வி (விடியோ)

டோக்கியோ ஒலிம்பிக்ஸ் மல்யுத்தப் போட்டியில் இந்திய வீராங்கனை சோனம் மாலிக் தோல்வியடைந்துள்ளார்.

தனது முதல் ஒலிம்பிக் போட்டியில் பங்கேற்ற இளம் வீராங்கனை சோனம் மாலிக், மகளிர் மல்யுத்தப் போட்டியில் 62 கிலோ எடைப்பிரிவில் மங்கோலியாவைச் சேர்ந்த போலோர்டுயாவுடன் மோதினார். போட்டி முடிவதற்கு அரை நிமிடம் இருக்கும் வரை 2-0 என முன்னிலையில் இருந்தார் சோனம் மாலிக். எனினும் கடைசியில் இரு புள்ளிகளை எடுத்தார் போலோர்டுயா. போட்டி 2-2 என சமனில் முடிந்தாலும் ஒரே சமயத்தில் இரு புள்ளிகளையும் பெற்றதால் மங்கோலிய வீராங்கனை வெற்றி பெற்றதாக அறிவிக்கப்பட்டார்.

மங்கோலிய வீராங்கனை இறுதிச்சுற்றுக்குள் நுழைந்திருந்தால் சோனம் மாலிக்குக்கு இன்னொரு வாய்ப்பு கிடைத்திருக்கும். ஆனால் அவர் தோற்றதால் ஒலிம்பிக் போட்டியிலிருந்து வெளியேறியுள்ளார் சோனம் மாலிக்.