Enable Javscript for better performance
This is where the next Olympic Games will be held- Dinamani

உடனுக்கு உடன் செய்திகள்

    அடுத்த ஒலிம்பிக்ஸ் எங்கு, எப்போது நடைபெறுகிறது?

    By DIN  |   Published On : 09th August 2021 01:05 PM  |   Last Updated : 10th August 2021 11:55 AM  |  அ+அ அ-  |  

    parris__Eiffel_Tower_2024_AP08_08_2021_000148Axx

     

    ஜப்பானில் நடைபெற்று வந்த டோக்கியோ ஒலிம்பிக் போட்டி ஞாயிற்றுக்கிழமையுடன் நிறைவடைந்தது.

    இந்த 32-ஆவது ஒலிம்பிக் போட்டியின் பதக்கப் பட்டியலில் அமெரிக்கா (113) முதலிடத்தையும், சீனா (88) 2-ஆம் இடத்தையும் பிடித்தன. போட்டியை நடத்திய ஜப்பான் 58 பதக்கங்களுடன் 3-ஆம் இடம் பிடித்தது. இந்தியா 7 பதக்கங்களுடன் 48-ஆம் இடம் பிடித்தது. இந்த ஒலிம்பிக் போட்டியிலும் வழக்கம்போல பல்வேறு பிரிவுகளில் முந்தைய உலக சாதனைகள் முறியடிக்கப்பட்டு, பல புதிய சாதனைகள் நிகழ்த்தப்பட்டன.

    கடந்த மாதம் 23-ஆம் தேதி தொடங்கி 17 நாள்கள் நடைபெற்ற இந்தப் போட்டி, அணிவகுப்பு, கண்கவா் கலை நிகழ்ச்சி, வாணவேடிக்கைகளுக்குப் பிறகு முடித்து வைக்கப்பட்டது. நிறைவு நிகழ்ச்சி அணிவகுப்பில், இந்திய அணியை மல்யுத்த வீரா் பஜ்ரங் புனியா தேசியக் கொடியேந்தி வழிநடத்திச் சென்றாா்.

    அடுத்த ஒலிம்பிக் போட்டி பிரான்ஸ் தலைநகா் பாரிஸில் வரும் 2024-ஆம் ஆண்டு நடைபெறவுள்ளது. டோக்கியோ ஒலிம்பிக் நிறைவு நிகழ்ச்சியின்போது, டோக்கியோ நகர மேயா் யுரிகோ கொய்கோ ஒலிம்பிக் கொடியை சா்வதேச ஒலிம்பிக் கமிட்டி தலைவா் தாமஸ் பாக்கிடம் ஒப்படைக்க, அதை அவா் பாரீஸ் நகர மேயா் ஆனி ஹிடால்கோவிடம் ஒப்படைத்தாா்.

    ஒலிம்பிக் வரலாற்றில் முதல் முறையாக, இம்முறை நிறைவு நிகழ்ச்சியின்போது அடுத்த ஒலிம்பிக் போட்டி நடைபெறவுள்ள பிரான்ஸின் தேசிய கீதம் ஒலிக்கப்பட்டதோடு, போட்டி நடைபெறவுள்ள பாரீஸ் நகரம் குறித்த குறும்படமும் ஒளிபரப்பப்பட்டது. அதேபோல், முதல் முறையாக டோக்கியோவில் நிறைவு நிகழ்ச்சி நடந்த அதே நேரத்தில், பாரீஸ் நகரிலும் கொண்டாட்டங்கள் நிகழ்ந்தன.

    பாரிஸ் ஒலிம்பிக் போட்டி, 2024-ம் வருடம் ஜூலை 26 முதல் ஆகஸ்ட் 11 வரை நடைபெறவுள்ளன. இதற்கு முன்பு இருமுறை (1900, 1924) பாரிஸில் ஒலிம்பிக் போட்டிகள் நடைபெற்றுள்ளன.  அதாவது நூறு ஆண்டுகளுக்குப் பிறகு ஒலிம்பிக் போட்டியை பாரிஸ் மீண்டும் நடத்தவுள்ளது. இதையடுத்து 2028 ஒலிம்பிக் போட்டி அமெரிக்காவின் லாஸ் ஏஞ்சல்ஸில் நடைபெறவுள்ளது. 


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp