ஆஸ்திரேலிய ஓபன்: காலிறுதியில் பி.வி. சிந்து

ஆஸ்திரேலிய ஓபன் சூப்பர் சீரிஸ் பாட்மிண்டன் போட்டியில் இந்தியாவின் பி.வி. சிந்து காலிறுதிக்கு முன்னேறியுள்ளனர்.

ஆஸ்திரேலியாவின் சிட்னி நகரில் நடைபெற்று வரும் இந்தப் போட்டியில் பி.வி.சிந்து தனது 2-வது சுற்றில்  21-13, 21-18 என்ற நேர் செட்களில் சீனாவின் ஜியாவ்ஸின்னைத் தோற்கடித்தார். இதன் அடிப்படையில் சிந்து காலிறுதிக்கு முன்னேறியுள்ளார்.

இதேபோல ஆஸ்திரேலிய ஓபன் சூப்பர் சீரிஸ் பாட்மிண்டன் போட்டியில் இந்தியாவின் ஸ்ரீகாந்த், சாய் பிரணீத் ஆகியோரும் காலிறுதிச் சுற்றுக்கு முன்னேறியுள்ளார்கள். இரண்டாவது சுற்றில் ஸ்ரீகாந்த் 15-21, 21-13, 21-13 என்ற செட் கணக்கில் உலகின் நெ.1 வீரரான தென் கொரியாவின் சன் வான் ஹோவை வீழ்த்தினார். மற்றொரு ஆட்டத்தில் இந்தியாவின் சாய் பிரணீத் 21-15, 18-21, 21-13 என்ற செட் கணக்கில் சீனாவின் ஹுயாங் யூக்ஸியாங்கை வீழ்த்தினார். 

காலிறுதியில் ஸ்ரீகாந்த் - சாய் பிரணீத் ஆகிய இருவரும் மோதவுள்ளார்கள்.