மாநில கபடி போட்டி: விருதுநகர் முதலிடம்

திருவாரூரில் மாவட்ட அமெச்சூர் கபடி கழகம் சார்பில் பேரளத்தில் நடைபெற்ற 45-ஆவது மாநில ஜூனியர் ஆண்கள் சாம்பியன்ஷிப் கபடி போட்டியில் விருதுநகர் மாவட்ட அணி சாம்பியன் பட்டம் பெற்றது. 
முதல் இரண்டு நாள் லீக் சுற்று போட்டிகள் நடைபெற்றன. இறுதி நாளில் கால் இறுதி, அரை இறுதி மற்றும் இறுதிப் போட்டிகள் நடைபெற்றன. இறுதிப் போட்டியில் மோதிய விருதுநகர் மற்றும் ஈரோடு மாவட்ட அணிகளில் 27 புள்ளிகளை பெற்று விருதுநகர் அணி முதலிடம் பெற்று சாம்பியன் பட்டம் பெற்றது. 24 புள்ளிகளை பெற்று ஈரோடு மாவட்ட அணி 2-ஆம் இடமும், மூன்றாம் இடத்தை கடலூர் மற்றும் தூத்துக்குடி மாவட்ட அணிகள் பெற்றன.போட்டியில் சிறப்பாக விளையாடி சிறந்த வீரர் பட்டத்தை விருநகர் மாவட்ட அணி வீரர் மணிகண்டன் பெற்றார். முதல் மூன்று இடங்களை பிடித்த அணிகளுக்கு உணவுத்துறை அமைச்சர் ஆர். காமராஜ் பரிசு மற்றும் கோப்பைகளை வழங்கினார். இதில், மாவட்ட ஆட்சியர் இல. நிர்மல்ராஜ், மாவட்ட அமெச்சூர் கபடி கழகத் தலைவர் கமலகண்ணன், செயலர் ராஜேந்திரன் உள்ளிட்டோர் பங்கேற்றனர்.