உலக ஜூனியர் ஸ்குவாஷ் போட்டி: முஸ்தபா ஹஸல், ரோவன் அரபிக்கு சாம்பியன் பட்டம்

உலக ஜூனியர் ஸ்குவாஷ் தனிநபர் சாம்பியன் போட்டியில் எகிப்தின் முஸ்தபா ஹஸல், ரோவன் அரபி சாம்பியன் பட்டம் வென்றனர்.
இப்போட்டிகள் கடந்த 18-ஆம் தேதி எக்ஸ்பிரஸ் மாலில் தொடங்கியது. இந்நிலையில் ஆடவர் மற்றும் மகளிர் இறுதி ஆட்டங்களுக்கு எகிப்து அணி வீரர், வீராங்கனைகளே தகுதி பெற்றனர்.
ஆடவர் இறுதி ஆட்டத்தில் முஸ்தபா ஹசல் முதல்நிலை வீரரும் சக நாட்டவரான மார்வன் டரேக்கை எதிர் கொண்டார். இதில் 11-7, 13-11, 11-4 என்ற புள்ளிக்கணக்கில் நடப்பு சாம்பியன் மார்வனை அதிர்ச்சித் தோல்வியுறச் செய்து பட்டம் வென்றார் முஸ்தபா.
அதே நேரத்தில் மகளிர் பிரிவு இறுதி ஆட்டத்தில் முதல் நிலை வீராங்கனை ரோவன் அரபி சக வீராங்கனையான ஹனியா ஹம்மாமியை 11-4, 11-9, 10-12, 11-9 என்ற புள்ளிக்கணக்கில் வீழ்த்தி சாம்பியன் பட்டம் வென்றார்.
இந்த வெற்றி மூலம் உலக ஸ்குவாஷ் அரங்கில் எகிப்து தனது ஆதிக்கத்தை மீண்டும் நிலை நாட்டி உள்ளது.