நாக் அவுட் சுற்றுக்கு முன்னேறும் முனைப்பில் ஜெர்மனி

நாக் அவுட் சுற்றுக்கு முன்னேற வேண்டும் என்ற முனைப்பில் நடப்பு சாம்பியன் ஜெர்மனி புதன்கிழமை கஸான் நகரில் தென்கொரியாவுடன் மோதுகிறது. மெக்ஸிகோவுடன் தோல்வியடைந்த ஜெர்மனி, அடுத்து ஸ்வீடனுடன் 2-1 என ஆட்டத்தின் கடைசி நிமிடத்தில் வென்றது.
தற்போது குரூப் எஃப் பிரிவில் மெக்ஸிகோ நாக் அவுட் சுற்றுக்கு தகுதி பெற 1 புள்ளி தேவை. 
ஜெர்மனி, ஸ்வீடன் தலா 3 புள்ளிகளுடன் நாக் அவுட் சுற்றுக்கு செல்லும் முனைப்பில் உள்ளன. தென்கொரியா போட்டியில் இருந்து வெளியேறிய நிலையில் அதனுடன் நடக்கும் ஆட்டத்தில் ஜெர்மனி வென்றால் 6 புள்ளிகளைப் பெறும். 
இதன் மூலம் நாக் அவுட் சுற்றுக்கு செல்லும் வாய்ப்பை பெறும். ஆனால் இதற்கான பாதை கடினமாக காணப்படுகிறது.