ரஜினி பாடலுடன் ட்விட்டர் சாதனையைக் கொண்டாடிய கிரிக்கெட் வீரர் அஸ்வின்!

ட்விட்டரில் ரசிகர்களுடன் எப்போதும்  உரையாடிக்கொண்டே இருக்கவேண்டும் என்று பிரியப்படுபவர் கிரிக்கெட் வீரர் அஸ்வின். 

இதுவரை மூன்றாயிரத்துக்கும் அதிகமான ட்வீட்களை வெளியிட்டுள்ள அஸ்வினை 80 லட்சம் பேர் ட்விட்டர் தளத்தில் பின்தொடர்கிறார்கள். இதையொட்டி ரஜினி நடித்த பாட்ஷா படத்தின் ரா ரா ராமையா பாடலின் சில வரிகளை டப்ஸ்மாஷ் செய்து 7 நொடி காணொளியாக அவர் வெளியிட்டுள்ளார். 

பாராட்டுகள், விமரிசனங்கள், வெற்றிகள், தோல்விகள் - அனைத்தையும் நான் பெற்றுள்ளேன். கிரிக்கெட்டில் ஒவ்வொரு அடியாக எடுத்துவைத்து மேலேறி வருகிறேன். ட்விட்டரிலும் அதேபோலத்தான். 8 மில்லியன் (80 லட்சம்) என்கிற எண்ணிக்கையை எட்டியுள்ளேன். என் வாழ்வின் ஒரு பகுதியாக உள்ளதற்கு மிக்க நன்றி. நீங்கள் எனக்கு முக்கியமானவர்கள் என்று ட்வீட் வெளியிட்டு ரசிகர்களிடம் நன்றி தெரிவித்துள்ளார்.