மாட்ரிட் ஓபன் டென்னிஸ்: நான்காவது சுற்றில் நடால்

ஸ்பெயினில் நடைபெற்று வரும் மாட்ரிட் ஓபன் டென்னிஸ் போட்டியில் உலகின் முதல் நிலை வீரரான ஸ்பெயினின் ரஃபேல் நடால் 4-ஆவது சுற்றுக்கு முன்னேறினார்.
முன்னதாக, ஆடவர் ஒற்றையர் பிரிவு 3-ஆவது சுற்றில் அவர் பிரான்ஸின் கேல் மான்ஃபில்ஸை 6-3, 6-1 என்ற செட்களில் வீழ்த்தினார்.
ஜோகோவிச் தோல்வி: போட்டித் தரவரிசையில் 10-ஆவது இடத்தில் இருந்த செர்பியாவின் நோவக் ஜோகோவிச், 3-6, 6-2, 3-6 என்ற செட்களில் பிரிட்டனின் கைல் எட்மன்டிடம் தோல்வி கண்டார். 
போட்டித் தரவரிசையில் 8-ஆவது இடத்தில் இருக்கும் பெல்ஜியத்தின் டேவிட் காஃபின்7-5, 6-3 என்ற செட்களில் நெதர்லாந்தின் ராபின் ஹசியை வீழ்த்தினார்.
போட்டித் தரவரிசையில் 6-ஆவது இடத்தில் இருக்கும் தென் ஆப்பிரிக்காவின் கெவின் ஆன்டர்சன் 5-7, 7-(7/3), 6-2 என்ற செட்களில் கஜகஸ்தானின் மிகைல் குகுஷ்கினை வீழ்த்தி 4-ஆவது சுற்றுக்கு முன்னேறினார். அதில் அவர் ஜெர்மனியின் பிலிப் கோல்ஷ்ரைபரை சந்திக்கிறார்.
முன்னதாக, போட்டித் தரவரிசையில் 11-ஆவது இடத்தில் இருக்கும் ஸ்பெயினின் ராபர்டோ பெளதிஸ்டா அகுட் 3-6, 6-4, 5-7 என்ற செட்களில் பிலிப் கோல்ஷ்ரைபரிடம் வீழ்ந்தார்.