இஸ்ரேலின் பிரபல கால்பந்து கிளப்புக்கு டிரம்ப் பெயர்

இஸ்ரேலைச் சேர்ந்த பிரபல கால்பந்து கிளப்புக்கு அமெரிக்க அதிபர் டொனால்ட் டிரம்பின் பெயர் வைக்கப்பட்டுள்ளது.
ஜெருசலேம் நகரில் உள்ளது பிரபல கால்பந்து கிளப் பெய்ட்டர் அணி. இந்நிலையில் அந்த அணி சார்பில் வெளியிடப்பட்ட கட்டுரையில் (டுவிட்டர்) பதிவிட்டுள்ளதாவது:
ஜெருசலேம் நகரம் கடந்த 70 ஆண்டுகளாக சர்வதேச அங்கீகாரம் கிடைப்பதற்காக காத்திருந்தது. இதற்கிடையே டெல் அவிவ் நகரில் உள்ள அமெரிக்க தூதரகத்தை ஜெருசலேம் நகருக்கு மாற்றுமாறு அதிபர் டிரம்ப் உத்தரவிட்டார். அவரது தைரியமான முடிவால் ஜெருசலேம் நகருக்கு உரிய அங்கீகாரம் கிடைத்துள்ளது. டிரம்பை பாராட்டும் வகையில் எங்கள் கிளப்பின பெயர் பெய்ட்டர் டிரம்ப் ஜெருசலேம் என மாற்றப்படுகிறது எனத் தெரிவித்துள்ளது.
பெய்ட்டர் அணி 6 முறை இஸ்ரேல் கால்பந்து லீக் பட்டத்தை வென்றது என்பது குறிப்பிடத்தக்கது.