மே.இ.தீவுகளுக்கு எதிரான 2-ஆவது டெஸ்ட் போட்டியில் பங்கேற்கும் இந்திய அணி மாற்றமின்றி அறிவிக்கப்பட்டது.
இந்தியா சுற்றுப்பயணம் செய்துள்ள மேற்கிந்திய தீவுகள் அணி டெஸ்ட், ஒருநாள் மற்றும் டி20 தொடர்களில் விளையாடுகிறது. தற்போது 2 டெஸ்ட் போட்டித் தொடர் நடைபெற்று வருகிறது. முதல் டெஸ்ட் போட்டியில் இந்திய அணி ஒரு இன்னிங்ஸ் மற்றும் 272 ரன்கள் வித்தியாசத்தில் மிகப்பெரிய வெற்றிபெற்றது.
இதையடுத்து இவ்விரு அணிகளும் மோதும் 2-ஆவது டெஸ்ட் வெள்ளிக்கிழமை தொடங்கி நடைபெறுகிறது. ஹைதராபாத் ராஜீவ் காந்தி சர்வதேச கிரிக்கெட் மைதானத்தில் அக்.12 முதல் அக்.16 வரை இப்போட்டி நடைபெறவுள்ளது.
இதில் விளையாடும் 12 பேர் கொண்ட இந்திய அணி வியாழக்கிழமை மாலை அறிவிக்கப்பட்டது. முதல் டெஸ்ட் போட்டியில் பங்கேற்ற அதே 12 பேர் கொண்ட இந்திய அணி எந்த மாற்றமும் இன்றி மீண்டும் அறிவிக்கப்பட்டது. இதில், சமீபகாலங்களாக ஆட்டத்திறனில் சரிவைக் கண்டு வரும் ரஹானேவுக்கு மாற்றாக உள்ளூர் போட்டிகளில் சிறப்பாக செயல்பட்ட மயங்க் அகர்வாலுக்கு வாய்ப்பளிக்கப்படலாம்.
2-ஆவது டெஸ்ட் போட்டிக்கான 12 பேர் கொண்ட இந்திய அணியின் விவரம் பின்வருமாறு:
விராட் கோலி (கேப்டன்), கே.எல்.ராகுல், பிருத்வீ ஷா, மயங்க் அகர்வால், சேத்தேஷ்வர் புஜாரா, அஜிங்க்ய ரஹானே, ஹனுமா விஹாரி, ரிஷப் பண்ட் (விக்கெட் கீப்பர்), அஸ்வின், ரவீந்திர ஜடேஜா, குல்தீப் யாதவ், முகமது ஷமி, உமேஷ் யாதவ், முகமது சிராஜ், ஷர்துல் தாக்கூர்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.