3-வது டெஸ்டிலும் ஆண்டர்சன் இடம்பெறவில்லை: 12 பேர் கொண்ட இங்கிலாந்து அணி அறிவிப்பு!

இங்கிலாந்து-ஆஸ்திரேலியா இடையிலான ஆஷஸ் தொடர் 2-வது டெஸ்ட் டிராவில் முடிவடைந்துள்ளது. 5 ஆட்டங்கள் கொண்ட இத்தொடரில் முதல் ஆட்டத்தில் ஆஸி. 251 ரன்கள் வித்தியாசத்தில் வென்றது.

இந்நிலையில் 3-வது டெஸ்ட் வியாழன் முதல் தொடங்குகிறது. இதற்கான 12 பேர் கொண்ட இங்கிலாந்து அணி அறிவிக்கப்பட்டுள்ளது. முதல் டெஸ்டின் போது காயமடைந்த வேகப்பந்துவீச்சாளர் ஆண்டர்சன், லார்ட்ஸ் டெஸ்டில் விளையாடவில்லை. அவர் தற்போது 3-வது டெஸ்டிலும் இடம்பெறவில்லை. அதற்குப் பதிலாக 3 நாள் உள்ளூர் ஆட்டம் ஒன்றில் இடம்பெறவுள்ளார். இதன்மூலம் அவர் 4-வது டெஸ்டில் இடம்பெறுவார் என்கிற எதிர்பார்ப்பு நிலவுகிறது. 

3-வது டெஸ்டுக்கான இங்கிலாந்து அணி:

ஜேசன் ராய், ரோரி பர்ன்ஸ், ஜோ ரூட் (கேப்டன்), ஜோ டென்லி, பென் ஸ்டோக்ஸ், ஜாஸ் பட்லர், ஜானி பர்ஸ்டோவ் (விக்கெட் கீப்பர்), கிறிஸ் வோக்ஸ், ஜோஃப்ரா ஆர்ச்சர், ஸ்டூவர்ட் பிராட், ஜேக் லீச், சாம் கரண்.