ஆஷஸ் 3-வது டெஸ்டில் ஆஸ்திரேலிய அணி முதல் இன்னிங்ஸில் 52.1 ஓவர்களில் 179 ரன்களுக்குச் சுருண்டது.
ஆஷஸ் டெஸ்ட் தொடரின் மூன்றாவது டெஸ்ட் ஆட்டம் நேற்று லீட்ஸில் தொடங்கியது. ஆஸ்திரேலிய அணி 1-0 என முன்னணியில் உள்ளது.
டாஸ் வென்ற இங்கிலாந்து அணி பந்துவீச்சைத் தேர்வு செய்தது. தொடக்க வீரர் வார்னர், லபுசான் ஆகிய இருவரைத் தவிர இதர வீரர்கள் அனைவரும் வந்த வேகத்தில் பெவிலியனுக்குத் திரும்பினார்கள். வார்னர் 61 ரன்களும் லபுசான் 74 ரன்களும் எடுத்தார்கள். ஆஸ்திரேலிய அணி முதல் இன்னிங்ஸில் 52.1 ஓவர்களில் 179 ரன்களுக்குச் சுருண்டது. இந்த டெஸ்டிலும் இங்கிலாந்து வேகப்பந்துவீச்சாளர் ஆர்ச்சர் அற்புதமாகப் பந்துவீசி 6 விக்கெட்டுகளை வீழ்த்தினார். பிராடுக்கு 2 விக்கெட்டுகள் கிடைத்தன. மழை காரணமாக நேற்று குறைவான ஓவர்களே வீசப்பட்டன. இதனால் இங்கிலாந்து அணியால் 2-வது இன்னிங்ஸை நேற்று தொடங்கமுடியவில்லை.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.