இந்திய-மே.இ.தீவுகள் 2-ஆவது டெஸ்டில் வர்ணனையாளராக பணிபுரியும் ஜாம்பவான் வீரர் விவியன் ரிச்சர்ட்ஸ் (67) திடீரென மயங்கி விழுந்தார். கள நிலவரங்கள் குறித்த ஆய்வு வர்ணனை செய்து கொண்டிருந்த போது மைதானத்திலேயே மயங்கி விழுந்ததால் பரபரப்பு ஏற்பட்டது.
இதையடுத்து உடனடியாக மருத்துவமனைக்கு அழைத்து செல்லப்பட்டு அங்கு தீவிர சிகிச்சை அளிக்கப்பட்டது. பின்னர் உணவு இடைவேளையின் போது மீண்டும் வர்ணனைப் பணியை தொடர்ந்தார்.
பின்னர் இதுகுறித்து விவியன் ரிச்சர்ட்ஸ், ட்விட்டரில் பதிவிட்டதாவது:
உலகம் முழுவதும் உள்ள ரசிகர்களுக்கு நான் குணமடைந்துவிட்டேன் என்பதை தெரிவித்துக்கொள்கிறேன். எனது வர்ணனைப் பணியை மீண்டும் தொடர்கிறேன்.
வேறு எந்த பந்துவீச்சாளராலும் செய்ய முடியாததை இயற்கை செய்து என்னை சாய்த்து விட்டது (வெப்பம் காரணமாக மயங்கி விழுந்தது). இயற்கையை நாம் மதிக்க வேண்டும் என்று நகைச்சுவையுடன் பதிவிட்டிருந்தார்.