துளிகள்..

    முன்னாள் வேகப்பந்து வீச்சாளரான அமித் பண்டாரி மீதான தாக்குதலில் தொடர்புடையவராக குற்றம்சாட்டப்பட்ட இளம் வீரர் அனுஜ் தேதாவுக்கு வாழ்நாள் முழுவதும் கிரிக்கெட் விளையாட தில்லி கிரிக்கெட் சங்கம் தடை விதித்தது.

    உலகக் கோப்பைப் போட்டியில் இந்தியாவை பாகிஸ்தான் வீழ்த்தும் என்று பாகிஸ்தான் முன்னாள் கேப்டன் மொயீன் கான் தெரிவித்தார். ஜூன் 16ஆம் தேதி இந்தியா-பாகிஸ்தான் மோதுகிறது.

    கேரள மாநிலம், கொச்சியில் புதன்கிழமை நடைபெற்ற புரோ கைப்பந்து போட்டியின் 12ஆவது லீக் ஆட்டத்தில் காலிகட் ஹீரோஸ் 4-1 என்ற கணக்கில் ஆமதாபாத் டிஃபென்டர்ஸை வீழ்த்தியது. 

    இரானி கோப்பை கிரிக்கெட் போட்டியில், முதல் இன்னிங்ஸின் 2ஆவது நாள் ஆட்ட நேர முடிவில் விதர்பா அணி 6 விக்கெட் இழப்புக்கு 245 ரன்கள் எடுத்துள்ளது. ரெஸ்ட் ஆஃப் இந்தியா அணியைவிட 85 ரன்கள் பின்தங்கியுள்ளது.