கொல்கத்தா பகலிரவு டெஸ்ட்: இந்தியா இன்னிங்ஸ் வெற்றி

கொல்கத்தா ஈடன் காா்டன் மைதானத்தில் வங்கதேசத்துக்கு எதிரான முதல் பகலிரவு டெஸ்ட் ஆட்டத்தில் இந்தியா ஒரு இன்னிங்ஸ் மற்றும் 46 ரன்கள் வித்தியாசத்தில் வெற்றி பெற்றது.

இப்போட்டியில் டாஸ் வென்று களமிறங்கிய வங்கதேச அணி முதல் இன்னிங்ஸில் 106 ரன்களுக்கு ஆல் அவுட்டானது. இஷாந்த் சா்மா 5, உமேஷ் 3 விக்கெட்டுகளைச் சாய்த்தனா்.

பின்னா் தனது முதல் இன்னிங்ஸை ஆடிய இந்தியா 9 விக்கெட் இழப்புக்கு 347 ரன்கள் குவித்து டிக்ளோ் செய்தது. விராட் கோலி 136, ரஹானே 51 ரன்கள் சேர்த்தனர். வங்கதேச தரப்பில் அல் அமீன் 3-85, எபாதத் 3-91 விக்கெட்டுகள் எடுத்தனர்.

241 ரன்கள் முன்னிலையுடன் இந்தியா தனது முதல் இன்னிங்ஸை நிறைவு செய்தது. பின்னா் இரண்டாவது இன்னிங்ஸில் களமிறங்கிய வங்கதேச அணி 195 ரன்களுக்கு ஆட்டமிழந்தது. இந்திய தரப்பில் அபாரமாக பந்துவீசிய உமேஷ் 5, இஷாந்த் சா்மா 4-விக்கெட்டுகளை வீழ்த்தினா்.

இதன்மூலம் தொடர்ச்சியாக நான்கு டெஸ்ட் போட்டிகளில் இன்னிங்ஸ் வெற்றிபெற்ற முதல் அணி எனும் அரிய சாதனையை இந்தியா படைத்துள்ளது.