டெஸ்ட் போட்டிகளில் அதிவேகமாக 350 விக்கெட்டுகளை வீழ்த்தி இந்திய கிரிக்கெட் வீரர் அஸ்வின் சாதனைப் படைத்தார்.
இந்தியா, தென் ஆப்பிரிக்கா இடையிலான முதல் டெஸ்ட் போட்டி விசாகப்பட்டினத்தில் நடைபெற்றது. இப்போட்டியில் இந்திய அணி 203 ரன்கள் வித்தியாசத்தில் அபார வெற்றிபெற்றது. இதில் இந்திய அணியின் முன்னணி சுழற்பந்துவீச்சாளர் அஸ்வின் புதிய சாதனைப் படைத்தார்.
முதல் டெஸ்டின் 5-ஆம் நாள் ஆட்டத்தின் போது டி பிரையுன் விக்கெட்டை வீழ்த்தியதன் மூலம் டெஸ்ட் போட்டிகளில் அதிவேகமாக 350 விக்கெட்டுகளை வீழ்த்திய இலங்கையின் ஜாம்பவான் சுழற்பந்துவீச்சாளர் முரளிதரனின் சாதனையை அஸ்வின் சமன் செய்தார்.
டெஸ்ட் போட்டிகளில் 350 விக்கெட்டுகளை வீழ்த்த இருவருக்கும் 66 டெஸ்ட் போட்டிகள் மட்டுமே தேவைப்பட்டது என்பது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.