5 ஆயிரம் ரன்களைக் கடந்து லாரா சாதனையை சமன் செய்த ஷிகர் தவன்!

5 ஆயிரம் ரன்களைக் கடந்து லாரா சாதனையை சமன் செய்த ஷிகர் தவன்!

இந்திய அணியின் துவக்க வீரர் ஷிகர் தவன் 5 ஆயிரம் ரன்களைக் கடந்து புதிய சாதனைப் படைத்துள்ளார்.

இந்திய அணியின் துவக்க வீரர் ஷிகர் தவன் 5 ஆயிரம் ரன்களைக் கடந்து புதிய சாதனைப் படைத்துள்ளார். இந்தியா, நியூஸிலாந்து அணிகளுக்கு இடையிலான முதல் ஒருநாள் ஆட்டத்தின்போது அவர் இந்த மைல்கல்லை எட்டினார்.

இதன்மூலம் அதிவேகமாக 5 ஆயிரம் ரன்களைக் கடந்த இந்தியர்களில் 118 இன்னிங்ஸ்களுடன் 2-ஆம் இடத்தைப் பிடித்தார். 114 இன்னிங்ஸ்களுடன் விராட் கோலி முதலிடத்தில் நீடிக்கிறார். 126 இன்னிங்ஸ்களுடன் சௌரவ் கங்குலி 3-ஆவது இடத்தில் உள்ளார்.

அதுமட்டுமல்லாமல் சௌரவ் கங்குலி, க்ரீம் ஸ்மித் ஆகியோரை பின்னுக்குத்தள்ளி ஒருநாள் போட்டியில் அதிவேகமாக 5 ஆயிரம் ரன்களைக் கடந்த இடதுகை பேட்ஸ்மேன்களின் பட்டியலில் பிரையன் லாரா உடன் ஷிகர் தவன் முதலிடத்தைப் பகிர்ந்துகொண்டுள்ளார்.  

ஒருநாள் போட்டியில் அதிவேகமாக 5 ஆயிரம் ரன்களைக் கடந்தவர்கள் பட்டியலில் 101 இன்னிங்ஸ்களுடன் தென் ஆப்பிரிக்க வீரர் ஹசிம் ஆம்லா முதலிடத்தில் உள்ளது குறிப்பிடத்தக்கது. 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com