ஐசிசி தரவரிசை: முன்னேற்றம் அடைந்துள்ள இந்திய மகளிர் அணி

மகளிர் ஒருநாள், டி20 ஆட்டங்களுக்கான மகளிர் தரவரிசையை ஐசிசி வெளியிட்டுள்ளது.

டி20 தரவரிசையில் ஆஸ்திரேலியா, இங்கிலாந்து அணிகள் முதல் இரு இடங்களைப் பிடித்துள்ளன. இந்த வருடம் நடைபெற்ற டி20 உலகக் கோப்பைப் போட்டியில் 2-ம் இடம் பிடித்த இந்திய அணி, இதன்மூலம் தரவரிசையில் 3-ம் இடத்துக்கு முன்னேறியுள்ளது. 

ஒருநாள் தரவரிசையில் ஆஸ்திரேலிய அணி முதலிடத்தைத் தக்கவைத்துக்கொண்டுள்ளது. விளையாடிய 21 ஆட்டங்களில் 20-ல் வெற்றி பெற்றதால் அந்த அணியால் ஆதிக்கம் செலுத்த முடிகிறது. 2-ம் இடத்தில் உள்ள இந்தியாவை விடவும் 39 புள்ளிகள் அதிகமாகப் பெற்றுள்ளது ஆஸ்திரேலிய அணி. தரவரிசையில் இந்தியா, இங்கிலாந்து 2-ம் மற்றும் 3-ம் இடங்களைப் பிடித்துள்ளன.