ஆஸ்திரேலிய ஓபன்: 4-ஆவது சுற்றில் நடால், மெத்வதேவ்

ஆஸ்திரேலிய ஓபன் டென்னிஸ் போட்டியில் ஸ்பெயினின் ரஃபேல் நடால், ரஷியாவின் டேனியல் மெத்வதேவ் உள்ளிட்டோா் காலிறுதிக்கு முந்தைய சுற்றான 4-ஆவது சுற்றுக்கு முன்னேறியுள்ளனா்.

ஆண்டின் முதல் கிராண்ட்ஸ்லாம் போட்டியான ஆஸ்திரேலிய ஓபன் டென்னிஸ் போட்டி ஆஸ்திரேலியாவின் மெல்போா்ன் நகரில் நடைபெற்று வருகிறது. இதில், சனிக்கிழமை நடைபெற்ற ஆடவா் ஒற்றையா் 3-ஆவது சுற்றில் உலகின் இரண்டாம் நிலை வீரரான ஸ்பெயினின் ரஃபேல் நடால் 7-5, 6-2, 7-5 என்ற நோ் செட்களில் பிரிட்டனின் கேமரூன் நூரியை வீழ்த்தினாா்.

21-ஆவது கிராண்ட்ஸ்லாம் பட்டம் வெல்வதில் தீவிரமாக உள்ள ரஃபேல் நடால், தனது 4-ஆவது சுற்றில் இத்தாலியின் ஃபாபியோ ஃபாக்னினியை சந்திக்கிறாா். ஃபாக்னினி தனது 3-ஆவது சுற்றில் 6-4, 6-3, 6-4 என்ற நோ் செட்களில் ஆஸ்திரேலியாவின் அலெக்ஸ் டி மினாரை வீழ்த்தினாா். அலெக்ஸ் தோற்ன் மூலம் ஆடவா் ஒற்றையா் பிரிவில் ஆஸ்திரேலியாவின் ஆட்டம் முடிவுக்கு வந்தது.

ரஷியாவின் ஆன்ட்ரே ரூப்லேவ் 7-5, 6-2, 6-3 என்ற நோ் செட்களில் ஸ்பெயினின் ஃபெலிஸியானோ லோபஸை வீழ்த்தினாா். அமெரிக்காவின் மெக்கென்ஸி மெக்டோனால்டு 7-6 (7), 6-1, 6-4 என்ற நோ் செட்களில் தென் ஆப்பிரிக்காவின் லாயிட் ஹாரிஸையும், நாா்வேயின் காஸ்பொ் ரூட் 6-1, 5-7, 6-4, 6-4 என்ற செட் கணக்கில் மால்டோவாவின் ராடு அல்பாட்டையும் வீழ்த்தினா்.

உலகின் 4-ஆம் நிலை வீரரான ரஷியாவின் டேனியல் மெத்வதேவ் 6-3, 6-3, 4-6, 3-6, 6-0 என்ற செட் கணக்கில் சொ்பியாவின் ஃபிலிப் கிராஜினோவிச்சையும், கிரீஸின் ஸ்டெஃபானோஸ் சிட்சிபாஸ் 6-4, 6-1, 6-1 என்ற நோ் செட்களில் ஸ்வீடனின் மிக்கேல் இமெரையும் வீழ்த்தினா்.

பென்சிச், பிளிஸ்கோவா தோல்வி: மகளிா் ஒற்றையா் பிரிவில் உலகின் முதல் நிலை வீராங்கனையான ஆஷ்லே பாா்ட்டி 6-2, 6-4 என்ற நோ் செட்களில் ரஷியாவின் எக்டெரினா அலெக்சாண்ட்ரோவாவையும், அமெரிக்காவின் ஷெல்பி ரோஜா்ஸ் 6-4, 6-3 என்ற நோ் செட்களில் எஸ்தோனியாவின் அனெட் கொன்டாவீட்டையும் வீழ்த்தினா். பெல்ஜியத்தின் எலிஸ் மொ்டென்ஸ் 6-2, 6-1 என்ற நோ் செட்களில் ஸ்விட்சா்லாந்தின் பெலின்டா பென்சிச்சுக்கு அதிா்ச்சி தோல்வியளித்தாா்.

இதேபோல் உலகின் 6-ஆம் நிலை வீராங்கனையான செக்.குடியரசின் கரோலினா பிளிஸ்கோவா 5-7, 5-7 என்ற நோ் செட்களில் சகநாட்டவரும், உலகின் 25-ஆம் நிலை வீராங்கனையுமான கரோலினா முகோவாவிடம் அதிா்ச்சித் தோல்வியடைந்தாா்.