2-வது டெஸ்ட்: இங்கிலாந்து முதலில் பேட்டிங், மற்றொரு நியூசி. வீரர் விலகல்

நியூசிலாந்துக்கு எதிரான 2-வது டெஸ்டில் இங்கிலாந்து அணி முதலில் பேட்டிங் செய்கிறது. 

லார்ட்ஸ் மைதானத்தில் கடந்த வாரம் தொடங்கிய இங்கிலாந்து - நியூசிலாந்து அணிகளுக்கு இடையிலான முதல் டெஸ்ட், டிராவில் முடிவடைந்தது. 2-வது டெஸ்ட், பிர்மிங்ஹமில் இன்று தொடங்கியுள்ளது. 

காயம் காரணமாக நியூசிலாந்து சுழற்பந்துவீச்சாளர் சாண்ட்னர், நியூசிலாந்து கேப்டன் கேன் வில்லியம்சன் ஆகியோர் விலகியுள்ளார்கள். இதனால் டாம் லதம் கேப்டனாகச் செயல்படுகிறார். காயம் காரணமாக 2-வது டெஸ்டிலிருந்து விலகுவதாக நியூசிலாந்து விக்கெட் கீப்பர் வாட்லிங்கும் இன்று அறிவித்துள்ளார். வில்லியம்சனுக்குப் பதிலாக வில் யங்கும் வாட்லிங்குக்குப் பதிலாக டாம் பிளெண்டல்லும் நியூசி. அணியில் தேர்வாகியுள்ளார்கள். 

டாஸ் வென்ற இங்கிலாந்து கேப்டன் ஜோ ரூட், பேட்டிங்கைத் தேர்வு செய்துள்ளார்.