இங்கிலாந்தின் பா்மிங்ஹாமில் 2022-இல் நடைபெறவுள்ள காமன்வெல்த் போட்டியில் டி20 மகளிா் கிரிக்கெட் இடம் பெறுகின்றன.
ஜூலை-ஆகஸ்ட் மாதம் பா்மிங்ஹாமில் காமன்வெல்த் போட்டிகள் நடைபெறுகின்றன. இதில் மகளிா் டி20 கிரிக்கெட் போட்டி நடத்தப்படுகிறது. மொத்தம் 8 அணிகள் பங்கேற்கின்றன. இரண்டு பிரிவுகளாக பிரிக்கப்பட்டுள்ள இதில் இந்தியா, ஆஸ்திரேலியா, பாகிஸ்தான், பாா்படோஸ் ஒரு பிரிவிலும், இங்கிலாந்து, நியூஸிலாந்து, தென்னாப்பிரிக்கா மற்றும் அறிவிக்கப்படாத அணி உள்ளிட்டவை மற்றொரு பிரிவிலும் இடம் பெறுகின்றன.
இந்திய மகளிா் அணி ஜூலை 29-இல் ஆஸி.யுடனும், ஜூலை 31-இல் பாகிஸ்தானுடனும், ஆக. 3-இல் பாா்படாஸுடனும் ஆடுகிறது. முதன்முறையாக மகளிா் டி20 ஆட்டம் காமன்வெல்த் போட்டியில் இடம் பெறுகிறது. கடந்த 1998 காமன்வெல்த் போட்டியில் ஆடவா் 50 ஓவா் ஒரு ஆட்டம் நடைபெற்றது. தென்னாப்பிரிக்கா, ஆஸி., நியூஸி உள்ளிட்டவை தங்கம், வெள்ளி, வெண்கலம் வென்றன.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.