5/16: உலகக் கோப்பையில் இருந்து வெளியேறியது பனாமா!

குரேசியாவுக்கு எதிரான போட்டியில் 0-1 என தொல்வியுற்றதால், கால்பந்து உலகக் கோப்பையில் இருந்து பனாமா அணி வெளியேறியிருக்கிறது.

கால்பந்து உலகக் கோப்பை ஜூன் 11 முதல் நடைபெற்று வருகிறது. மொத்தம் 48 அணிகள் பங்கேற்றுவரும் இதில் 32 அணிகள் நாக் அவுட் சுற்றுக்கு முன்னேற, 16 அணிகள் லீக் சுற்றுடன் வெளியேறுமென ஃபிஃபா போட்டிக்கான விதிகளை வகுத்துள்ளது.

கனடாவில் நடைபெற்ற லீக் சுற்றில் குரேசியா - பனாமா அணிகள் மோதின. இந்தப் போட்டியில் 54-ஆவது நிமிஷத்தில் குரோஷியாவின் ஆண்டே புடிமிர் கோல் அடித்தார்.

இறுதியில் குரோஷியா 1-0 என வென்று நாக் அவுட் சுற்றுக்கான வாய்ப்பை தக்கவைத்தது. மாறாக, பனாமா அந்த வாய்ப்பை இழந்து உலகக் கோப்பையில் இருந்து வெளியேறியது.

பனாமா தனது முதல் போட்டியில் கானாவுடன் தோல்வியுற்றது. இந்த குரூப்பில் இங்கிலாந்து, கானா, குரோஷியா அடுத்த சுற்றுக்கு முன்னேற வாய்ப்பிருக்கிறது.

முன்னதாக, இந்த உலகக் கோப்பையில் இருந்து துருக்கி (குரூப் டி), ஹைதி (குரூப் சி), துனிசியா (குரூப் எஃப்), ஜோர்டான் (குரூப் ஜே) ஆகிய நான்கு அணிகள் உலகக் கோப்பையில் இருந்து வெளியேறி இருந்தன. தற்போது, இதில் ஐந்தாவது அணியாக பனாமா (குரூப் எல்) இணைந்துள்ளது.