2022-ல் இங்கிலாந்து செல்லும் இந்திய அணி: ஒருநாள், டி20 தொடர்களின் அட்டவணை வெளியீடு

2022-ல் இங்கிலாந்துக்குச் சுற்றுப்பயணம் செய்து மூன்று ஒருநாள், மூன்று டி20 ஆட்டங்களில் இந்திய அணி விளையாடவுள்ளது. இதற்கான அட்டவணை வெளியிடப்பட்டுள்ளது.

2022-ம்  ஆண்டு இங்கிலாந்தில் நடைபெறவுள்ள கிரிக்கெட் போட்டிகளின் அட்டவணையை இங்கிலாந்து கிரிக்கெட் வாரியம் வெளியிட்டுள்ளது. இந்தியா, நியூசிலாந்து, தென்னாப்பிரிக்கா ஆகிய அணிகள் இங்கிலாந்துக்குச் சுற்றுப்பயணம் செய்கின்றன. நியூசிலாந்து அணி மூன்று ஆட்டங்கள் கொண்ட டெஸ்ட் தொடரிலும் தென்னாப்பிரிக்கா மூன்று டெஸ்டுகள், மூன்று ஒருநாள், மூன்று டி20 ஆட்டங்களிலும் இந்திய அணி மூன்று ஒருநாள், மூன்று டி20 ஆட்டங்களிலும் விளையாடுகின்றன.

நியூசிலாந்து டெஸ்ட் தொடர் ஜூன் 2-ல் தொடங்கி ஜூன் 27-ல் முடிவடைகிறது. தென் ஆப்பிரிக்கச் சுற்றுப்பயணம் ஒருநாள் தொடருடன் ஜூலை 19-ல் தொடங்கி டெஸ்ட் தொடருடன் செப்டம்பர் 12-ல் முடிவடைகிறது.

இந்திய அணியின் சுற்றுப்பயணம் ஜூலை 1-ல் டி20 தொடருடன் தொடங்கி, ஜூலை 14 அன்று ஒருநாள் தொடருடன் முடிவடைகிறது. 

இந்திய அணியின் இங்கிலாந்துச் சுற்றுப்பயணம்: 2022-ம் வருடம்

டி20 தொடர்

முதல் டி20 - ஜூலை 1, மான்செஸ்டர்
2-வது டி20 - ஜூலை 3, நாட்டிங்கம்
3-வது டி20 - ஜூலை 6, செளதாம்ப்டன்

ஒருநாள் தொடர்

முதல் ஒருநாள் - ஜூலை 9, பிர்மிங்ஹம்
2-வது ஒருநாள் - ஜூலை 12, லண்டன் ஓவல்
3-வது ஒருநாள் - ஜூலை 14, லண்டன் லார்ட்ஸ்