ஐபிஎல் 2021-ல் அதிக சிக்ஸர்கள்: முதலிடத்தில் சிஎஸ்கே, கடைசி இடம் எந்த அணிக்குத் தெரியுமா?

அதிக சிக்ஸர்களை அடித்த பேட்ஸ்மேன்களின் பட்டியலில் பஞ்சாப் அணியின் கே.எல். ராகுல் 16 சிக்ஸர்களுடன்...
ஐபிஎல் 2021-ல் அதிக சிக்ஸர்கள்: முதலிடத்தில் சிஎஸ்கே, கடைசி இடம் எந்த அணிக்குத் தெரியுமா?

ஐபிஎல் 2021 போட்டியில் அதிக சிக்ஸர்கள் அடித்த அணிகளில் சிஎஸ்கே முதலிடத்தில் உள்ளது.

கரோனா பாதிப்பால் நிறுத்தப்பட்ட ஐபிஎல் 2021 போட்டி, நாளை (செப்டம்பா் 19) ஐக்கிய அரபு அமீரகத்தில் மீண்டும் தொடங்குகிறது. துபையில் நடைபெறும் முதல் ஆட்டத்தில் நடப்பு சாம்பியன் மும்பை இந்தியன்ஸ் - சென்னை சூப்பா் கிங்ஸ் அணிகள் விளையாடவுள்ளன. 

கடந்த வருடம் அதிக சிக்ஸர்கள் அடித்த அணிகளில் 137 சிக்ஸர்களுடன் முதலிடம் பிடித்தது மும்பை இந்தியன்ஸ் அணி. 105 சிக்ஸர்களுடன் ராஜஸ்தானுக்கு 2-ம் இடம்.

இந்த வருடம் பந்தை சிக்ஸருக்குப் பறக்க விடுவதில் சிஎஸ்கே முன்னணி வகிக்கிறது. சிக்ஸர்கள் பட்டியலில் 43 சிக்ஸர்களுடன் மும்பை அணி 7-வது இடத்தை ஹைதராபாத் அணியுடன் இணைந்து வகிக்கிறது. புள்ளிகள் பட்டியலில் முதலிடத்தில் உள்ள தில்லி அணி அதிசயமாக சிக்ஸர்கள் பட்டியலில் கடைசி இடத்தில் உள்ளது. 32 சிக்ஸர்கள் மட்டுமே. ஏழு ஆட்டங்களில் 62 சிக்ஸர்களுடன் சென்னை சூப்பர் கிங்ஸ் அணி முதலிடத்தில் உள்ளது.

இந்த வருடம், அதிக சிக்ஸர்களை அடித்த பேட்ஸ்மேன்களின் பட்டியலில் பஞ்சாப் அணியின் கே.எல். ராகுல் 16 சிக்ஸர்களுடன் முதலிடத்தில் உள்ளார். 

ஐபிஎல் 2021: அதிக சிக்ஸர்களை அடித்த பேட்ஸ்மேன்கள்

கே.எல். ராகுல் - 16
பேர்ஸ்டோ - 15
ராயுடு - 13
பட்லர் - 13
ரஸ்ஸல் - 13
டு பிளெஸ்சிஸ் - 13
பொலார்ட் - 13

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com