மெஸ்ஸி, அல்வாரெஸ் அசத்தல்: 6-ஆவது முறையாக இறுதிச் சுற்றில் ஆா்ஜென்டீனாவெளியேறியது குரோஷியா (0-3)

பிஃபா உலகக் கோப்பை கால்பந்து போட்டியின் அரையிறுதி ஆட்டத்தில் குரோஷியாவை 3-0 என்ற கோல் கணக்கில் வீழ்த்தி 6-ஆவது முறையாக இறுதிச் சுற்றுக்கு தகுதி பெற்றுள்ளது ஆா்ஜென்டீனா. அதன் நட்சத்திர வீரா்கள் கேப்டன் மெஸ்ஸி, ஜூலியன் அல்வாரெஸ் அசத்தலாக கோலடித்து வெற்றிக்கு வித்திட்டனா்.

ஆா்ஜென்டீனா கடந்த 1978, 1986 என இரு முறை உலக சாம்பியன் பட்டத்தைக் கைப்பற்றியது. ஏற்கெனவே 5 முறை இறுதிச் சுற்றுக்கு தகுதி பெற்றுள்ளது. கடைசியாக 2014-இல் இறுதி ஆட்டத்தில் ஜொ்மனியிடம் 1-0 என தோல்வியடைந்தது ஆா்ஜென்டீனா. டீகோ மாரடோனாவைப் போல் தலைசிறந்த வீரராக திகழும் கேப்டன் லயோனல் மெஸ்ஸியின் வசம் உலகக் கோப்பை பட்டத்தைத் தவிர அனைத்து கோப்பைகளும் உள்ளன.

இந்நிலையில் 35-ஆவது வயதில் தனது கடைசி உலகக் கோப்பை போட்டியில் பங்கேற்கும் மெஸ்ஸிக்கு இந்த முறை சாம்பியன் பட்டத்தை வெல்லும் முனைப்பில் உள்ளாா்.

குரோஷியா அணியும் கடந்த 2018-இல் பிரான்ஸிடம் இறுதி ஆட்டத்தில் தோற்று ரன்னா் அணியாக வந்தது. கேப்டன் லுகா மொட்ரிச் உள்பட பல முன்னணி வீரா்களும் தன் வசம் கொண்டுள்ளது.

இந்நிலையில் ஆா்ஜென்டீனா-குரோஷியா அணிகள் இடையிலான முதல் அரையிறுதி ஆட்டம் செவ்வாய்க்கிழமை நள்ளிரவு லுசாயில் மைதானத்தில் நடைபெற்றது.

5 நிமிஷங்களில் 2 கோல்களை அடித்த ஆா்ஜென்டீனா:

இரு அணிகளும் தொடக்கம் முதலே அதிரடியாக ஆடின. ஆா்ஜென்டீனா பாா்வா்ட் ஜூலியன் அல்வாரெஸ் 25-ஆவது நிமிஷத்தில் முதலில் கோலடிக்க முயன்ற போது, குரோஷிய வீரா் லிவோகோவிச் அற்புதமாக தடுத்தாா். 32-ஆவது நிமிஷத்தில் அல்வாரெஸை ஃபௌல் செய்தாா் குரோஷிய வீரா் லிவாகோவிச். இதனால் நடுவா் ஆா்ஜென்டீனாவுக்கு பெனால்டி வாய்ப்பு வழங்கினாா். வாா் தொழில்நுட்பம் மூலம் இது உறுதி செய்யப்பட்டது. கேப்டன் மெஸ்ஸி, பெனால்டி வாய்ப்பை பயன்படுத்தி தனது அணிக்கு பிசகின்றி முதல் கோலை அடித்தாா்.

அடுத்த சில நிமிஷங்களிலேயே மெஸ்ஸி மிட்பீல்டில் பந்தை பாஸ் செய்தாா். அதை பயன்படுத்தி பாா்வா்ட் அல்வாரெஸ் மைதானத்தின் பாதி தூரம் ஓடிச் சென்று அற்புதமாக கோலடித்தாா். இது ஆா்ஜென்டீனாவின் இரண்டாவது கோலானது.

அதன் பின் குரோஷிய வீரா்கள் பதில் கோலடிக்க தீவிரமாக முயன்றனா். ஆனால் அவா்களது முயற்சி பலன் தரவில்லை. ஆட்டத்தின் இடைவேளை நெருங்கிய போது, ஆா்ஜென்டீனாவின் முன்னிலையைக் குறைக்க குரோஷியாவுக்கு வாய்ப்பு கிட்டியது. ஜோஸிப் ஜுரோனோவிச் அடித்த ஷாட்டை எமலியானோ மாா்ட்டினஸ் தடுத்தாா். ரீபௌன்ட் ஆன பந்தை கிராமரிச் அடித்த போது, கோல் கம்பத்தில் பட்டு வெளியேறியது.

இரண்டாவது பாதி ஆட்டத்தில் 62-ஆவது நிமிஷத்தில் குரோஷிய கேப்டன் லுகா மொட்ரிச் அற்புதமாக ப்ரீ கிக் மூலம் அனுப்பிய பாஸை, தலையால் முட்டி கோலடிக்க டேஜன் லாவ்ரென் முயன்றாா். ஆனால் தோல்வியில் முடிந்தது.

வெற்றி கோல்:

குரோஷிய வீரா்கள் ஆட்டத்தை தங்கள் கட்டுப்பாட்டில் கொண்டு வர முயன்ற போது, ஆா்ஜென்டீனா கேப்டன் மெஸ்ஸி, குரோஷிய மிட்பீல்டா்களை கடந்து, தங்கள் அணி வீரா் ஜோஸ்கோவிடம் பந்தை அளித்தாா். 69-ஆவது நிமிஷத்தில் ஜோஸ்கோவின் பாஸை பயன்படுத்தி, அற்புதமாக கோலடித்தாா் அல்வாரெஸ். இதுவே வெற்றி கோலாக அமைந்தது.

பதிலுக்கு கடைசி கட்டத்தில் குரோஷிய வீரா்கள் இவான் பெரிசிச், மிஸ்லெவ் ஒல்சிச் ஆகியோா் கோலடிக்க முயன்றனா். ஆனால் அது வீணானது.

இறுதியில் 3-0 என்ற கோல் கணக்கில் வென்ற ஆா்ஜென்டீனா உலகக் கோப்பை இறுதி ஆட்டத்துக்கு 6-ஆவது முறையாக தகுதி பெற்றது.

முதல் பாதியிலேயே 5 நிமிஷங்களில் அடுத்தடுத்து இரண்டு கோல்களை ஆா்ஜென்டீனா போட்டதால், குரோஷிய அணி தடுமாறியது.

ஆா்ஜென்டீனா கேப்டன் லயோனல் மெஸ்ஸி, குரோஷிய கேப்டன் லுகா மொட்ரிச் ஆகியோருக்கு இது கடைசி உலகக் கோப்பை போட்டியாகும்.

மெஸ்ஸி சாதனைகள்:

இந்த உலகக் கோப்பையில் பிரான்ஸ் வீரா் கிளியன் மாப்பேவைப் போல் மெஸ்ஸியும் 5 கோல்களை அடித்துள்ளாா்.

கேப்ரியல் பட்டிஸ்டுடா தான் உலகக்கோப்பையில் 10 கோல்களை அடித்த ஆா்ஜென்டீனா வீரா் என்ற சிறப்பை பெற்றிருந்தாா். ஆனால் பெனால்டி வாய்ப்பில் கோலடித்த மெஸ்ஸி, 11 கோல்களை அடித்து அதை முறியடித்தாா்.

ஜொ்மனி கேப்டன் லோதா் மேத்யூஸ் தான் 25 உலகக் கோப்பை ஆட்டங்களில் ஆடிய சாதனையை நிகழ்த்தி இருந்தாா். அரையிறுதி ஆட்டத்தில் ஆடியதின் மூலம் மெஸ்ஸியும் அதை சமன் செய்துள்ளாா்.