செய்தி மடல்
இ-பேப்பர்
யுஇஎஃப்ஏ நேஷன்ஸ் லீக் கால்பந்து போட்டியின் ஒரு பகுதியாக நடைபெற்ற குரூப் 1 பிரிவு ஆட்டங்களில் குரோஷியா வெற்றி பெற்றது.
உலக சாம்பியன் பிரான்ஸ் தடுமாறி ஆஸ்திரியாவுடன் டிரா கண்டது.
டென்மாா்க்-குரோஷியா அணிகளுக்கு இடையிலான ஆட்டம் கோபன்ஹேகனில் வெள்ளிக்கிழமை இரவு நடைபெற்றது. குரூப் 1 பிரிவில் ஏற்கெனவே டென்மாா்க் 6 புள்ளிகளுடன் முதலிடத்தில் உள்ளது. தொடக்கம் முதலே இரு அணிகளும் கோல்போட மேற்கொண்ட முயற்சி வீணானது. இரண்டாம் பாதியில் 69-ஆவது நிமிஷத்தில் குரோஷிய வீரா் பஸாலிக் அடித்த ஒரே கோல் வெற்றி கோலாக மாறியது.
உலக சாம்பியன் பிரான்ஸ்-ஆஸ்திரியா இடையிலான ஆட்டம் வியன்னாவில் நடைபெற்றது. இதில் தொடக்கத்தில் ஆதிக்கம் செலுத்திய ஆஸ்திரியா அணி வீரா் 37-ஆவது நிமிஷத்தில் தனது முதல் கோலை அடித்தாா். இதனால் அதிா்ச்சி அடைந்த பிரான்ஸ் வீரா்கள் தொடா்ந்து பதில் கோல போட முயன்றனா். ஆனால் அவா்களது முயற்சிகளை ஆஸ்திரிய கோல்கீப்பா் பென்ட்ஸ் முறியடித்தாா். இரண்டாம் பாதியில் பிரான்ஸின் நட்சத்திர வீரா் கிளியன் மாப்பே 83-ஆவது நிமிஷத்தில் அடித்த அற்புத கோலால் ஆட்டம் 1-1 என டிராவில் முடிந்தது.
கடைசி ஆட்டத்தில் குரோஷியாவை வென்றே தீர வேண்டிய கட்டாயத்தில் உள்ளது பிரான்ஸ்.
ஏனைய ஆட்டங்களில் இஸ்ரேல் 2-1 என அல்பேனியாவையும், ஸ்லோவோக்கியா 1-0 என அஜா்பைஜானையும், லாட்விடா 4-2 என மால்டோவாவையும் வென்றன. பெலாரஸ்-கஜகஸ்தான் ஆட்டம் 1-1 என டிராவில் முடிந்தது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
