விஜய் ஹசாரே: தொடர்ச்சியாக 3-வது சதமடித்த தமிழக வீரர் ஜெகதீசன்!

விஜய் ஹசாரே போட்டியில் கோவா அணிக்கு எதிராகத் தமிழக அணி, 50 ஓவர்களில் 4 விக்கெட் இழப்புக்கு 373 ரன்கள் எடுத்தது.

இந்த வருட விஜய் ஹசாரே போட்டியில் பிகாருக்கு எதிரான தமிழக அணியின் முதல் ஆட்டம் மழையால் கைவிடப்பட்டது. அடுத்த ஆட்டத்தில் ஆந்திராவை எளிதாக வீழ்த்தியது தமிழக அணி. 3-வது ஆட்டத்தில் சத்தீஸ்கர் அணியை 14 ரன்கள் வித்தியாசத்தில் வீழ்த்தியது.

இந்நிலையில் அலூரில் நடைபெற்று வரும் தனது 4-வது ஆட்டத்தில் கோவா அணியை எதிர்கொண்டது தமிழ்நாடு. டாஸ் வென்ற கோவா அணி ஃபீல்டிங்கைத் தேர்வு செய்தது. இப்போட்டியில் சிறப்பாக விளையாடி வரும் தமிழகத் தொடக்க வீரர்களான சாய் சுதர்சனும் என். ஜெகதீசனும் இன்றும் அபாரமாக விளையாடினார்கள். 41-வது ஓவரில் தான் இந்தக் கூட்டணியை கோவாவால் பிரிக்க முடிந்தது. சாய் சுதர்சன் 117 ரன்களுக்கும் ஜெகதீசன் 140 பந்துகளில் 6 சிக்ஸர்கள், 15 பவுண்டரிகளுடன் 168 ரன்களுக்கும் ஆட்டமிழந்தார்கள். பிறகு ஷாருக் கான் 29 ரன்களும் பாபா அபரஜித் 31 ரன்களும் எடுத்தார்கள். இந்த வருடப் போட்டியில் தொடர்ச்சியாக 3 சதங்களை ஜெகதீசனும் தொடர்ச்சியாக 2 சதங்களை சாய் சுதர்சனும் எடுத்துள்ளார்கள்.

தமிழக அணி, 50 ஓவர்களில் 4 விக்கெட் இழப்புக்கு 373 ரன்கள் எடுத்தது. அர்ஜுன் டெண்டுல்கர், பிரபுதேசாய் தலா 2 விக்கெட்டுகளை வீழ்த்தினார்கள். 

இங்கிலாந்தைக் காப்பாற்றிய மலான் சதம்: ஆஸி.க்கு அணிக்கு 288 ரன்கள் இலக்கு!

சென்னையில் நடைபெறுகிறதா இந்தியா - ஆஸ்திரேலியா டெஸ்ட்?

பாலியல் புகார்: இலங்கை வீரருக்குப் பிணை வழங்கிய ஆஸி. நீதிமன்றம்