செஸ் ஒலிம்பியாடில் அசத்தி வரும் இரு தமிழக வீராங்கனைகள்

சென்னை செஸ் ஒலிம்பியாட் போட்டியில் இந்திய மகளிர் பிரிவில் உள்ள இரு தமிழக வீராங்கனைகளான...

வைஷாலி, நந்திதா

சென்னை செஸ் ஒலிம்பியாட் போட்டியில் இந்திய மகளிர் பிரிவில் உள்ள இரு தமிழக வீராங்கனைகளான நந்திதாவும் வைஷாலியும் அதிக வெற்றிகளைப் பெற்றுள்ளார்கள்.

மகளிர் பிரிவில் புள்ளிகள் பட்டியலில் இந்திய ஏ அணி முதலிடத்திலும் இந்திய பி அணி 15-ம் இடத்திலும் இந்திய சி அணி 19-ம் இடத்திலும் உள்ளன.

மகளிர் பிரிவில் நந்திதா, வைஷாலி என இரு தமிழக வீராங்கனைகள் இடம்பெற்றுள்ளார்கள். அவரவர் அணிகளில் இருவரும் அதிக வெற்றிகளைப் பெற்றுள்ளார்கள். இந்திய ஏ அணியில் வைஷாலி, தானியா சச்தேவ் ஆகிய இருவரும் 6 ஆட்டங்களில் தலா 4 வெற்றிகளைப் பெற்றுள்ளார்கள். இந்திய பி அணியில் வந்திகா அகர்வால் 4 வெற்றிகளுடன் முதலிடத்தில் உள்ளார். இந்திய சி அணியில் இடம்பெற்றுள்ள தமிழகத்தைச் சேர்ந்த நந்திதா, அதிக வெற்றிகளை அடைந்த இந்திய வீராங்கனையாக உள்ளார். இதுவரை விளையாடிய 6 ஆட்டங்களில் 5-ல் வெற்றி பெற்றுள்ளார்.

சென்னை செஸ் ஒலிம்பியாடில் இந்திய வீராங்கனைகள் பெற்ற வெற்றிகள்