ஆஸ்திரேலியாவுக்கு எதிரான 2-வது டெஸ்டில் இலங்கை அணி முதல் இன்னிங்ஸில் 554 ரன்கள் குவித்துள்ளது.
இலங்கைக்கு எதிரான முதல் டெஸ்டை 10 விக்கெட் வித்தியாசத்தில் வென்றது கம்மின்ஸ் தலைமையிலான ஆஸ்திரேலிய அணி. 2-வது டெஸ்ட், காலேவில் நடைபெற்று வருகிறது.
ஆஸ்திரேலிய அணி முதல் இன்னிங்ஸில் 364 ரன்கள் எடுத்தது. இலங்கை அணி, 3-ம் நாள் முடிவில் 6 விக்கெட் இழப்புக்கு 431 ரன்களுடன் முன்னிலை பெற்றிருந்தது. தினேஷ் சண்டிமல் 118, மெண்டிஸ் 7 ரன்களுடன் களத்தில் இருந்தார்கள்.
4-ம் நாளான இன்று தினேஷ் சண்டிமல் சிறப்பாக விளையாடி இரட்டைச் சதத்தைப் பூர்த்தி செய்தார். இலங்கை அணி முதல் இன்னிங்ஸில் 181 ஓவர்களில் 554 ரன்கள் குவித்தது. தினேஷ் சண்டிமல் 326 பந்துகளில் 5 சிக்ஸர்கள், 16 பவுண்டரிகளுடன் 206 ரன்கள் எடுத்து ஆட்டமிழக்காமல் இருந்தார். ஸ்டார்க் 4 விக்கெட்டுகளும் ஸ்வெப்சன் 3 விக்கெட்டுகளும் எடுத்தார்கள். இலங்கை அணி முதல் இன்னிங்ஸில் 190 ரன்கள் முன்னிலை பெற்று ஆதிக்கம் செலுத்தி வருகிறது.