பிரபல இங்கிலாந்து பேட்டர் ஜானி பேர்ஸ்டோ காயம் காரணமாக டி20 உலக கோப்பை போட்டிகளிலிருந்து விலகுவதாக இங்கிலாந்து கிரிக்கெட் வாரியம் தெரிவித்துள்ளது.
சமீபத்தில்தான் ஐசிசி டி20 உலக கோப்பைக்கான இங்கிலாந்து வீர்ரகளை இங்கிலாந்து கிரிக்கெட் வாரியம் (ஈசிபி) அறிவித்தது. இதில் ஜானி பேர்ஸ்டோ இடம் பெற்றிருந்தார்.
உலகக் கோப்பைக்கான இங்கிலாந்து அணி
ஜாஸ் பட்லர் (கேப்டன்), மொயீன் அலி, ஜானி பேர்ஸ்டோ, ஹாரி புரூக், சாம் கரண், கிறிஸ் ஜார்டன், லியம் லிவிங்ஸ்டன், டேவிட் மலான், அடில் ரஷித், பில் சால்ட், பென் ஸ்டோக்ஸ், ரீஸ் டாப்லி, டேவிட் வில்லி, கிறிஸ் வோக்ஸ், மார்க் வுட்.
மாற்று வீரர்கள்: லியம் டாசன், ரிச்சர்ட் கிளீசன், டைமல் மில்ஸ்.
தற்போது, வெள்ளிகிழமையன்று கோல்ப் விளையாடும் போது ஜானி பேர்ஸ்டோவுக்கு ஏற்பட்ட தசைப்பிடிப்பினால் டி20 உலக கோப்பை போட்டிகளிலிருந்து விலகுவதாக இங்கிலாந்து கிரிக்கெட் வாரியம் தெரிவித்துள்ளது.
ஜானி பேர்ஸ்டோவுக்கு பதிலாக மாற்று வீரரை விரைவில் அறிவிப்போம் என ஈசிபி தெரிவித்துள்ளது.