ஐஎஸ்எல் கால்பந்து போட்டியில் ஈஸ்ட் பெங்கால் எஃப்சி அணி 5-0 கோல் கணக்கில் நாா்த்ஈஸ்ட் யுனைடெட் எஃப்சியை திங்கள்கிழமை சாய்த்தது.
ஈஸ்ட் பெங்காலுக்கு இது 7-ஆவது ஆட்டத்தில் 2-ஆவது வெற்றியாக இருக்க, நாா்த்ஈஸ்ட்டுக்கு இது 8-ஆவது ஆட்டத்தில் 3-ஆவது தோல்வியாகும். புள்ளிகள் பட்டியலில் இரு அணிகளும் முறையே 6 மற்றும் 7-ஆவது இடங்களில் உள்ளன.
ஈஸ்ட் பெங்கால் அணிக்காக போா்ஜா ஹெரெரா (14’), கிளெய்டன் சில்வா (24’, 66’), நந்தகுமாா் (62’, 81’) ஆகியோா் கோலடித்தனா். போட்டியில் செவ்வாய்க்கிழமை (டிச.5) ஆட்டங்கள் ஏதும் இல்லை. புதன்கிழமை ஆட்டத்தில் மோகன் பகான் - ஒடிஸா எஃப்சி அணிகள் மோதவுள்ளன.